ايەلدەردى ايالاي المايتىن ەل

None
None
استانا. قازاقپارات - «ءۇندىستاننىڭ كالكۋتتا قالاسىندا ءىرى ەرەۋىل ءوتىپ جاتىر. حالىق 75 جاستاعى موناح ايەلدى زورلاعان توپتى تاۋىپ، جازاسىن بەرۋدى تالاپ ەتۋدە» دەپ حابارلايدى استانا ارناسى.

رەيتەرستىڭ حابارلاۋىنشا، حالىق ايەلدەرگە قارسى زورلىق-زومبىلىق توقتاتالسىن دەگەن ۇراندار كوتەرگەن. جاعا ۇستاتار وقيعا كالكۋتتادا بولدى.

12 قاراقشى حريستيان ميسسيونەرلىك مەكتەبىنە باسا كوكتەپ كىرىپ، ويران سالعان. زورلىق كورگەن قارت ايەل قازىر اۋرۋحانادا. مەكتەپ قىزمەتكەرلەرى وقيعاعا دەيىن الدە بىرەۋلەردىڭ قوقان-لوقى كورسەتىپ جۇرگەنىن ايتىپ، پوليتسياعا شاعىمدانعان.

پوليتسيانىڭ پايىمىنشا، قىلمىسكەرلەر ءوش الۋ ماقساتىمەن كەلۋى مۇمكىن. ۇرىلار سونىمەن قاتار، اقشا، ۇيالى تەلەفون، كومپيۋتەر، فوتواپپارات سىندى مەكتەپتىڭ ءبىرتالاي مۇلكىن قولدى ەتكەن.

جەرگىلىكتى ءتارتىپ ساقشىلارى وقيعاعا قاتىسى بار دەگەن كۇدىكپەن ەكى ادامدى تۇتقىندادى.

ەسكە سالا كەتەيىك، نيۋ-دەليدە قازاقستان ازاماتشاسى دا زورلىق قۇربانى بولعانى تۋرالى كەشە اقپارات شىقتى. 27 جاستاعى قىز ءۇندىستانعا ءىس-ساپارمەن بارعانى بەلگىلى بولدى. جەرگىلىكتى پوليتسيا كۇدىكتى دەگەن ءۇش ادامدى ۇستاعان. ال كەشە ەلىمىزدىڭ سىرتقى ىستەر مينيسترلىگى وتانداسىمىزدىڭ قۇقىن قورعاۋ ءۇشىن ءتيىستى شارالار جۇرگىزىپ جاتقانىن حابارلادى.

سوڭعى جاڭالىقتار