ۆيكينگتەردىڭ كونە قورىمىنان «اللا ءۇشىن» دەگەن جازۋى بار جۇزىك تابىلدى - فوتو

None
None
استانا. قازاقپارات - ستوكگولم ۋنيۆەرسيتەتىنىڭ عالىمدارى ۆيكينگتەردىڭ IX عاسىرداعى كونە قورىمىنان «اللا ءۇشىن» دەگەن ارابشا جازۋى بار جۇزىك تاۋىپ الدى.

 بۇل جادىگەر شۆەتسيانىڭ بيركا قالاسىنداعى ۆيكينگتەردىڭ ساۋدا ورتالىعىن ارشىپ الۋ جۇمىستارى كەزىندە تابىلدى. بۇل جايىندا Daily Mail اقپارات كوزى Science News باسىلىمىنا سىلتەمە جاساي وتىرىپ، حابار تاراتتى.

وسىدان مىڭنان اسا جىل بۇرىن جاسالعان جادىگەر ۆيكينگتەر مەن مۇسىلماندار اراسىندا بايلانىستىڭ بولعانىن كورسەتەدى. قارت تاريحتان بەلگىلى بولعانداي، ۆيكينگتەر شىنى شالعاي جەرلەردەن الدىرتقان ەكەن. الايدا، بۇل جۇزىك مۇسىلمان ەلدەرى مەن تەڭىزگە شىققان جۇرتتار اراسىندا ساۋدا اينالىمى بولعانىن دالەلدەي تۇسەدى. ارحەولوگتار العاشقىدا جۇزىكتىڭ تاسىن كۇلگىن ءتۇستى امەتيستەن جاسالعان دەپ توپشىلاعان ەكەن. ارتىنان ەلەكتروندى ميكروسكوپپەن ساراپتامادان وتكىزگەندە ونىڭ سول ۋاقىتتا سيرەك كەزدەسەتىن ءتۇرلى ءتۇستى شىنىدان جاسالعانى بەلگىلى بولدى. كونە جازبالارداعى دەرەككە قاراعاندا وسىدان 3400 جىل بۇرىن سكانديناۆتىقتار شىنىنى مىسىر مەن مەسوپوتاميادان الدىرعان. اتالمىش جادىگەردىڭ ەرەكشەلىگى مەن قۇندىلىعى سوندا، سول ۋاقىتقا ءتان ەسكەرتكىشتەر اراسىندا ارابشا جازۋى بار مۇنداي جادىگەر كەزدەسپەيدى.

islam.kz 

سوڭعى جاڭالىقتار