قازاقستان رەسەي مەن ارمەنيادا وتەتىن ۇ ق ش ۇ- عا مۇشە ەلدەردىڭ بىرلەسكەن وقۋ-جاتتىعۋلارىنا قاتىسادى
قازاقستاننىڭ اتىنان كەلىسسوزدەر جۇرگىزۋگە ق ر ق ك باس شتابى باستىعىنىڭ ورىنباسارى گەنەرال-مايور ءالىموۆ قاتىسۋدا.
اتالمىش وقۋ-جاتتىعۋ ۇجىمدىق قاۋىپسىزدىك شارتى ۇيىمى اياسىندا التى ەلدىڭ ءوزارا ىقپالداستىعى ءۇشىن ماڭىزدى شارا بولىپ سانالادى. وقۋ-جاتتىعۋ بارىسىندا بۇگىنگى ارميانىڭ شىنايى مۇمكىندىكتەرى كورىنىپ، اسكەري قىزمەتشىلەر قۇندى وزىق تاجىريبەگە يە بولادى. سونىمەن قاتار ۇلتتىق قاۋىپسىزدىكتى قامتاماسىز ەتۋ باعىتىندا جاۋىنگەرلىك دايارلىقتى نىعايتادى.
بيىل رەسەي مەن ارمەنيا اۋماعىندا اۋقىمدى وقۋ-جاتتىعۋدى وتكىزۋ جوسپارلانىپ وتىر. بىلتىرعى جىلى «ىقپالداستىق - 2014» ءىس-شاراسى قازاقستاننىڭ «سپاسسك» پوليگونىندا ءوتتى. وقۋ-جاتتىعۋعا 3000 نان اسا اسكەري قىزمەتشى، 800 ارنايى جانە ۇرىس تەحنيكاسى، 30 ۇشاق پەن تىكۇشاق تارتىلدى. ال «مىزعىماس تۋىستىق-2014» وقۋ-جاتتىعۋى قىرعىزستاننىڭ «الا-توو» پوليگونىندا وتكىزىلگەن بولاتىن.
