قازاقستاندا قىز ۇزاتۋ تويىن وتكىزۋ ءۇشىن قانشا قاراجات كەتەدى؟

"قازاقتىڭ ومىرىندە ءۇش ءباس بار: نەسيەلىك، بۋكمەكەرلىك جانە تويدىڭ ءباسى. العاشقى ەكەۋى جالاقىڭىزدىڭ مولشەرى مەن تۇرمىستىڭ دەڭگەيىنە بايلانىستى بولسا، سوڭعىسى ەشبىر فاكتورعا تاۋەلدى بولمايدى. جاقىنىڭنىڭ قۋانىشىندا قالتاڭا قاراي قانشا كوسىلدىڭ، ساعان دا سونداي كولەمدە "سىي" قايتادى"، - دەپ جازادى سايت.

تويدىڭ شىنايى ۇلگىسىن قاراۋ ءۇشىن سايت جاقىندا عانا اتا- انا شاڭىراعىنان ۇزاتىلعان گۇلجان ەسىمدى كەيىپكەرىمىزدىڭ كەڭەسىنە جۇگىنگەن.

ۇلكەن تويلار كوبىندە مەيرامحانالاردا وتكىزىلەدى. اقشاسىن تۇگەل ساناپ بەرسەڭىز، جۇيكەڭىزدى قۇرتىپ قۇرتىپ اۋرە بولمايسىز. الماتىداعى مەيرامحانالاردىڭ ءبىر كىسىلىك ورىن باعاسى 5 مىڭ تەڭگەدەن باستالىپ 20 مىڭنىڭ اسادى. گۇلجان ەسىمدى بويجەتكەن تويدى "سالتانات" مەيرامحاناسىندا وتكىزگەن. قوناق سانى كوپ بولعان سايىن سىزگە كورسەتەر جەڭىلدىك كولەمى دە كوبەيە تۇسەدى. ورىن باعاسىن 5 مىڭ تەڭگە دەپ كەلىسىلدى.

الماتىداعى مەيرامحانالاردىڭ ءبىر كىسىلىك ورىن باعاسى 5 مىڭ تەڭگەدەن باستالىپ 20 مىڭنىڭ اسادى.

داستارحان ءمازىرى

گۇلجاننىڭ ۇزاتىلۋى وتكەن مەيرامحانادا ياعني ءار قوناق ءۇشىن 5 مىڭ تەڭگە تولەسەڭىز، داستارحاننان 4 ءتۇرلى سالاتتى، 2 ءتۇرلى تىسكەباسار مەن باۋىرساقتى كورەسىز. سۋسىنىڭىز بەن ەتىڭىز ءسىزدىڭ موينىڭىزدا. كەيىپكەردىڭ اتا- اناسى 150 كىسى ءۇشىن ءبىر سيىردىڭ ەتىن الدىرىپ، ءار ادام ءۇشىن سۋسىندى 2-3 ليتردەن ەسەپتەدى.

جەمىس- جيدەك پەن سامسا ۇيدەن دايىنداپ اكەلىندى. تورتقا بولەك تاپسىرىس بەرىلدى. مەيرامحانا دايىن.

قىز ۇزاتۋ دەگەن وتە قيىن شارۋا. كەيدە اتا- اناما سالماق تۇسىرمەي قاشىپ كەتسەم دە بولاتىن ەدى عوي دەپ ويلايمىن.

تويدىڭ جاقسى وتۋىنە باستى سەبەپكەر بولاتىن تاعى ءبىر فاكتور - تامادا مەن مەرەكە باعدارلاماسى. اساباڭىزدان قاتەلەسپەسەڭىز، ار جاعىن اسا ۋايىمداماسىڭىز دا بولادى. ءبىزدىڭ كەيىپكەرىمىز تامادانى تانىسى ارقىلى 150 مىڭ تەڭگەگە جالداعان.

تانىستىڭ ءرولى زور. ال شىندىعىندا الماتىلىق تامادالار 40-50 مىڭ تەڭگەدەن (قادامىن ەندى باسقاندار) باستالادى. ورتاشا باعا 80-100 مىڭ تەڭگە. 2 مىڭ دوللارعا ارنايى شوۋ- باعدارلاماسىمەن قوسا شاقىرۋعا بولادى.

قىز ۇزاتۋداعى شوۋ- باعدارلامالاردىڭ قۇرامىنا ۇزاتىلار قىزدى سانمەن مەيرامحاناعا الىپ كىرۋ جانە بارىنشا ءسان- سالتاناتپەن ۇلكەن ومىرگە شىعارىپ سالۋ راسىمدەرى كىرەدى. ارنايى قىز- جىگىتتەر، جەڭگەلەر ءسىز ءۇشىن سىڭسۋ ايتىپ قوشتاسادى. ءبىراق تويداعى باستى كەڭەسشىڭىز تاماداڭىز، بارلىعى سول كىسىنىڭ شىعارماشىلىق شەڭبەرىنە بايلانىستى بولادى.

قوناقتاردى شاقىرۋ، ارنايى فوتوسەسسيا

"ۇزاتۋ تويىمىزدىڭ قۇرمەتتى قوناعى بولىڭىز" دەگەن الاقانداي قاعازدىڭ قۇنى 70 تەڭگەدەن باستالادى. ال قالىڭدىقتىڭ سۋرەتىمەن بەزەندىرىلىپ، ارنايى ارلەنگەن شاقىرتۋلار 150-200 تەڭگە كولەمىندە. فوتوسالونداردا 30 مىڭ تەڭگەمەن 100 مىڭ تەڭگە ارالىعىندا ەڭ كورىكتى جەرلەردە ارنايى فوتوسەسسيا جاسالادى.

وسى ورايدا گۇلجان كەيىپكەرىمىز كەڭەس ۇسىنادى. تويعا شاقىرىلعان جانداردىڭ بارلىعى بىردەي ءسىزدىڭ ەڭ جاقىنىڭ ەمەس جاقسى تانىس دەگەن دەڭگەيدە بولۋى مۇمكىن. ءسىزدىڭ سۋرەتىڭىزدىڭ 150 ءۇيدىڭ تۇكپىر- تۇكپىرىندە قالماۋى ءۇشىن جاقىندارىڭىز ءۇشىن قالىڭدىقتىڭ ارلەنگەن شاقىرتۋ جىبەرىپ، وزگەلەرىن العاشقى نۇسقامەن قاناعاتتاندىرۋعا بولادى. ءتيىمدى ءارى ەشكىمنىڭ دە كوڭىلىن قالدىرمايسىز.

مەيرامحانا جالداندى، قوناقتارعا شاقىرتۋ جىبەرىلدى، تامادا سايلاندى. ەندى قالىڭدىقتىڭ دايىندىعىنا كىرىسۋ قاجەت.

ۇزاتۋ كويلەگى

كويلەكتى ساتىپ الۋعا دا، جالعا الۋعا دا بولادى. جالعا الۋ 40-50 مىڭ تەڭگەدەن باستالىپ، 70-80 نە 100 مىڭ تەڭگەدەن اسىپ جىعىلادى. نەمەسە 80-90 مىڭ تەڭگە كولەمىندە ساتىپ الۋعا دا بولادى. كوڭىل مەن قالتانىڭ ۇشتاسقان تۇسىن تاڭداڭىز.

قالىڭدىق كيىمى

قالىڭدىقتىڭ كيىم- كەشەگى ءۇشىن قوماقتى قارجى جاراتۋعا تۋرا كەلەدى. قىسقى توننىڭ ەڭ جاقسى دەگەنى 100 مىڭ تەڭگە تۇرادى. گۇلجان توننان بولەك 4 ءتۇرلى مەرزىمگە كيىم، 3 ءتۇرلى ەتىك پەن بىرنەشە پار اياق- كيىم جانە باسقا دا ۇساق- تۇيەكتەردى ەسەپتەگەندە 200 مىڭ تەڭگە جۇمسادى.

جاساۋ

مۇنىڭ ءجونى ءبىر بولەك. جاس وتاۋدىڭ بولمەسى ءۇشىن كەرۋەت، شكاف، تۋمبا جانە ورىندىقتى اينا 300 مىڭ تەڭگە كولەمىندە تۇرادى. قوسىمشا كىلەم- تەكەمەت، كورپە- توسەك بار. قۇدا كورپە جانە قۇداعي كورپە مىندەتتى تۇردە بولۋى قاجەت. ونىڭ ءوزى دە ەكى ءتۇرلى جولمەن دايىندالادى. ارنايى ماقتاسىن بولەك ساتىپ الىپ، تىكتىرسەڭىز بولادى. نەمەسە قۇدا كورپەنى 8-10 مىڭ تەڭگە كولەمىندە، قۇداعي كورپەشەنى 5-6 مىڭ تەڭگە كولەمىندە ساتىپ الاسىز. شاماڭىزعا قاراي ىدىس- اياق تا قوسىلادى.

سونىمەن قوناقتار سانىن 150 دەپ دوڭگەلەتىپ، قىسقاشا ءتىزىم قۇرىپ كورسەك:

قازاقستاندا قىز ۇزاتۋ تويىن وتكىزۋ ءۇشىن قانشا قاراجات كەتەدى؟

"قىز ۇزاتۋ دەگەن وتە قيىن شارۋا. كەيدە اتا- اناما سالماق تۇسىرمەي قاشىپ كەتسەم دە بولاتىن ەدى عوي دەپ ويلايمىن. ءبىراق اتا- اناڭنىڭ اق باتاسىن الىپ، ءسان- سالتاناتپەن ۇزاتىلۋ - ءاربىر قىزدىڭ ارمانى. "تويدىڭ بولعاننان بولادىسى قىزىق" دەيدى عوي. سونشا ۋاقىت دايىندالىپ، ءبىر كۇن ىشىندە ەستەن كەتپەستەي بولىپ وتكەن مەرەكە ءومىر بويى ەسىڭدە قالادى. وسى ساتتەردىڭ ءوزى بارلىق شىعىندى اقتاپ الادى"، - دەيدى گۇلجان.

يستوچنيك: NUR. KZ