ءتىل ءبىلىمى ينستيتۋتى قازاق تىلىندە جارناما جاسايتىن ماماندار دايارلاۋدى ۇسىندى

None
None
الماتى. قازاقپارات - بۇگىن الماتىدا ا. بايتۇرسىن ۇلى اتىنداعى ءتىل ءبىلىمى ينستيتۋتى «قالا ومىرىندەگى قازاق ءتىلى» دوڭگەلەك ۇستەلىن وتكىزدى.

شارا بارىسىندا ءتىل ماماندارى مەملەكەتتىك ءتىلدىڭ قالاداعى كورنەكى جانە اقپاراتتىق قۇرالدارىندا كورىنىس تابۋىن تالقىلادى.

سونىڭ ىشىندە قازاق تىلىنە قاتە اۋدارىلعان جارناما ماسەلەسى دە تىلگە تيەك ەتىلدى.

الماتىداعى قازاقشاعا اۋدارىلعان جارنامالاردىڭ ساۋاتتىلىعىنا مونيتورينگ جۇرگىزگەن مەلس ەرجانوۆتىڭ جەكە قورىنىڭ پرەزيدەنتى، مادەنيەتتانۋشى زەمفيرا ەرجانوۆا ءوزىنىڭ بىرنەشە جىلعى جۇمىستارىنىڭ ناتيجەسىمەن تانىستىردى.

 «قالاداعى تىلدىك كورىنىس عىلىمي تىلدە لينگۆيستيكالىق لاندشافت دەپ اتالادى. ول - عيمارات، كوشە، جول، كولىكتەگى، ءىس- شارالارداعى، اقپاراتتىق جارنامالارداعى ءتىلدىڭ قولدانىسى. بىلايشا ايتقاندا، ول قالا تۇرعىندارىنىڭ ساناسىنىڭ كورىنىسى. قازىرگى ۋاقىتتا الماتىداعى لينگۆيستيكالىق لاندشافتقا قاراپ، ۇلتتىق سانا قانشالىقتى دامۋى قاجەتتىگىن انىق كورەمىز. قالا تۇرعىندارىنىڭ 70 پايىزى تۇركىلىك بىرەگەيلىك وكىلدەرى ەكەن. ەندەشە، الماتىداعى لينگۆيستيكالىق لاندشافت تۇركىلىك بىرەگەيلىككە جۇمىس جاساۋى كەرەك. ال ءىس جۇزىندە ءبارى كەرىسىنشە. الماتىداعى قازاقشا جارنامانى اۋدارماشىلار جاسايدى. وسىعان بايلانىستى جارناما جاسايتىن مامان قازاق ءتىلدى بولۋ كەرەك. ج و و- لار قازاق تىلىندە جارناما جاسايتىن، قازاق تۇتىنۋشىسىنا جۇمىس جاسايتىن مامان دايارلاۋ كەرەك دەگەن ۇسىنىسىمىز بار»، - دەدى ا. بايتۇرسىن ۇلى اتىنداعى ءتىل ءبىلىمى ينستيتۋتى ديرەكتورىنىڭ ورىنباسارى انار فازىلحان.

قالالىق تىلدەردى دامىتۋ باسقارماسىنىڭ باسشىسى ماماي احەتوۆ ساۋاتسىز جارنامامەن كۇرەس ءالى دە جالعاساتىنىن ايتتى.

«الماتىداعى جەرگىلىكتى اتقارۋشى ورگان رەتىندە مەترودان باستاپ كوزگە كورىنەتىن اقپاراتتىڭ بارلىعىنا جاۋاپكەرشىلىكتى سەزىنەمىز. ودان قاشپايمىز. 2014 -جىلى 7 مىڭعا جۋىق جارناما تۇزەتىلدى. كەز- كەلگەن ورگاندى تەكسەرە المايمىز. قازىرگى زاڭناما بويىنشا 5, 10, 50 ا ە ك ەسەبىندە ايىپپۇل سالا الامىز. ونىڭ ءوزى بىرنەشە ەسكەرتۋدەن كەيىن. باسقارما وسى باعىتتاعى جۇمىستاردى ودان ءارى جالعاستىرادى»، - دەدى م. احەتوۆ.

«قازاقستانداعى جارناما كومپانيالارىنىڭ اليانسى» قاۋىمداستىعىنىڭ ديرەكتورى بولات قوجاقوۆ جارنامالاردىڭ ءتۇپنۇسقاسى قازاقستانعا اعىلشىن تىلىندە ەنەتىنىن، ودان ءارى ورىس جانە قازاق تىلىنە اۋدارىلاتىنىن جەتكىزدى.

اۆتور: گۇلميرا عوسمانالي

سوڭعى جاڭالىقتار