قازاقستاندا قايىرىمدىلىق جاسايتىن بيزنەسمەندەردىڭ تاۋەلسىز رەيتينگى جاسالادى

None
None
استانا. قازاقپارات - قازاقستاندا قايىرىمدىلىق شارالارىنا قاتىساتىنداردىڭ تاۋەلسىز رەيتينگى جاسالادى. بۇل تۋرالى بۇگىن استاناداعى جاۋاپكەرشىلىكتى بيزنەستى جۇرگىزۋ ستاندارتتارىن تاجىريبەگە ەنگىزۋ تاقىرىبىنا ارنالعان حالىقارالىق كونفەرەنتسيادا ۇلتتىق كاسىپكەرلەر پالاتاسىنىڭ كوميتەت ءتوراعاسى تالعات دوسكەنوۆ ءمالىم ەتتى.

«وكىنىشكە قاراي، بۇگىندە وسىنداي ستاتيستيكا جوق. بىزدە بيزنەس تاراپىنان قايىرىمدىلىققا قارجى ءبولۋ، الەۋمەتتىك ينۆەستيتسيالار بويىنشا ستاتيستيكا قاراستىرىلماعان، جالپى بۇنداي ەسەپتىلىك جۇرگىزىلمەي جاتىر. سوندىقتان دا ءبىز ءۇشىن الەۋمەتتىك ەسەپتىلىكتى ەنگىزۋ وتە ماڭىزدى جانە ونى تاۋەلسىز كونسالتينگتىك كومپانيالار جۇرگىزۋى ءتيىس. ياعني، بۇل تۇرعىدا قازاقستاندا بيزنەستىڭ الەۋمەتتىك جاۋاپكەرشىلىگىنىڭ تاۋەلسىز رەيتينگتەرى بولادى. اتاپ ايتقاندا، ءبىز وسى مىندەتتەردى بۇگىندە شەشۋدى باستادىق» ، - دەدى ت. دوسكەنوۆ.

 ونىڭ سوزىنە قاراعاندا، بيزنەس اشىق ءارى كورپوراتيۆتىك جاۋاپكەرشىلىك دەڭگەيى ايتارلىقتاي جوعارى بولۋى ءۇشىن ەلىمىزدىڭ بيزنەسىندە ەكونوميكالىق پايدا بار. وسى ورايدا بيزنەس نەعۇرلىم اشىق بولسا، سوعۇرلىم كاسىپكەرلەر قوعام مەن ادامدار ءۇشىن يگى ىستەردى كوبىرەك جاساپ، الەۋمەتتىك نىسانداردىڭ قۇرىلىسىن ىسكە اسىرادى.

«بۇنداي قادامداردى كومپانياعا قاتىستى تاۋەلسىز رەيتينگتەر راستاپ جاتسا، وندا ينۆەستيتسيالار دا جاقسى تارتىلا باستايدى، ياعني ءىسىن اشىق جۇرگىزەتىن كومپانيالارعا شەتەلدىك ينۆەستيتسيالاردىڭ قىزىعۋشىلىعى ارتا تۇسەدى» ، - دەدى كوميتەت باسشىسى.

ونىڭ ايتۋىنشا، بۇگىندە وتاندىق بيزنەس وكىلدەرى كورپوراتيۆتى- الەۋمەتتىك جاۋاپكەرشىلىكتىڭ حالىقارالىق ۇستانىمدارىن بەلسەندى تۇردە ەنگىزۋدە. وندا ەڭبەك قاۋىپسىزدىگى، قورشاعان ورتانى قورعاۋ مەن وزدەرىنىڭ قىزمەتكەرلەرى ءۇشىن جاۋاپكەرشىلىك سەكىلدى باسىمدىقتار قامتىلىپ وتىر.

 

 اۆتور: رۋسلان عابباسوۆ 

سوڭعى جاڭالىقتار