شىمكەنتتە بالالار ءۇيىنىڭ جۇزگە جۋىق تاربيەلەنۋشىسىنە ناۋرىزعا وراي سىيلىقتار بەرىلدى - فوتو

None
None
شىمكەنت. قازاقپارات - شىمكەنتتە بالالار ءۇيىنىڭ جۇزگە جۋىق تاربيەلەنۋشىسىنە ناۋرىز مەرەكەسىنە وراي سىيلىقتار تاپسىرىلدى.

ناۋرىز مەيرامىن وتكىزۋدىڭ توعىز كۇندىك جوسپارىنا سايكەس، وڭتۇستىك قازاقستان وبلىسىندا «مەيىرىم كۇنى» بەلگىلەنگەن.

حالقىمىز  ۇلىستىڭ ۇلى كۇنى قارساڭىندا جوق- جىتىككە قولۇشىن بەرۋ، قامكوڭىل جانداردىڭ جاعدايىن تۇزەۋگە كومەك بەرۋ سىندى قايىرىمدى ىستەرمەن ءداستۇر ساباقتاستىعىن جالعاستىرعان.

سونداي ءبىر يگى ءىس - بالالار ۇيلەرى مەن مۇگەدەكتەردى وڭالتۋ ورتالىقتارىندا قايىرىمدىلىق شارالارى ۇيىمداستىرىلىپ، شۇلەن تاراتىلدى. تۇرمىس جاعدايى تومەن وتباسىلارعا كومەك كورسەتىلدى. وسىعان وراي كەشە شىمكەنت قالاسىندا ورنالاسقان وبلىستىق №4 بالالار ءۇيىنىڭ جۇزگە جۋىق تاربيەلەنۋشىسىنە سىيلىق بەرىلدى. قازاق جەتىمىن جىلاتپاي، جەبەي جۇرگەن حالىق. مۇنداي قايىرىمدىلىق اكسياسى جىل سايىن وتۋدە.

ايتا كەتۋ كەرەك، وتكەن جىلى بۇل بالالار ءۇيىنىڭ 12 تۇلەگى وقۋ گرانتىن جەڭىپ العان بولاتىن. سونىمەن قاتار وبلىستا تۇرمىسى تومەن وتباسىلارىنا ارناپ كاسىپكەرلەرمەن بىرگە قايرىمدىلىق اكسياسى ءوتتى.

وسى اكتسيا اياسىندا قالاداعى ءتورت اۋدان اكىمدىگى الەۋمەتتىك از قامتىلعان وتباسىلارعا ازىق- تۇلىك تاراتتى. سونداي-اق وبلىستاعى التى وڭالتۋ ورتالىقتارىندا قايرىمدىلىق ءىس- شارالار ۇيىمداستىرىلدى، دەپ حابارلايدى و ق و اكىمىنىڭ باسپا ءسوز قىزمەتى.

2

3

سوڭعى جاڭالىقتار