استانادا باكۋ ورامى سالىنادى

None
None
  استانا. قازاقپارات - ەلوردادا باكۋ ورامى، جاڭا ينتەللەكتۋالدى تۇرعىن ءۇي كەشەندەرى، بىرەگەي ساياباقتار پايدا بولادى.

 بۇل جايىندا استانا قالاسىنىڭ ساۋلەت جانە قالا قۇرىلىسى باسقارماسى ۇيىمداستىرعان «استانانىڭ باس جوسپارى» عىلىمي- زەرتتەۋ جوبالاۋ ينستيتۋتى» ج ش س سەمينار- كەڭەسىندە بەلگىلى بولدى.

تانىستىرىلىمدا ءتۇرلى شەتەلدىك قۇرىلىس كومپانيالارىنىڭ وكىلدەرى استانانىڭ زاماناۋي قايتالانباس كەلبەتىن قالىپتاستىرۋعا قانداي ۇلەس قوسا الاتىندارىن ايتتى، دەپ حابارلايدى ەلوردا اكىمدىگىنىڭ باسپا ءسوز قىزمەتىنەن.

- ءبىز استانا قۇرىلىسىنا اتسالىسىپ، «Caspian Palace» تۇرعىن ءۇي كەشەنىن سالدىق. قازىر استانادا فرانتسۋز، اعىلشىن، ميلان ورامدارى سالىنىپ جاتىر. ءبىز باكۋ ورامىن سالۋ جوباسىن دايىنداۋ ۇستىندەمىز. جاقىن ارادا ول دا استانانىڭ كوركىن اشا تۇسەدى دەپ ۇمىتتەنەمىز، - دەدى «Caspian Service» ازەربايجاندىق قۇرىلىس كومپانياسىنىڭ ديرەكتورلار كەڭەسىنىڭ ءتوراعاسى راگيم سۇلتانوۆ.

«Hager» كومپانياسى تۇرعىن ۇيلەردى ينتەللەكتۋالدى باسقارۋ، گاز جانە سۋ قۇبىرلارىن باقىلاۋ، ءموبيلدى بايلانىس ارقىلى ەسەپتەگىش قۇرىلعى كورسەتكىشتەرىن قاداعالاۋ، كليماتتىق باقىلاۋ جانە جارىق جۇيەسىن باقىلاۋ جوباسىن ىسكە اسىرۋدى ۇسىندى.

«NovelloLTD» كومپانياسىنىڭ ت م د ەلدەرى بويىنشا باس مەنەدجەرى اندرەا فريزەر جيىنعا قاتىسۋشىلاردى لاندشافتتىق ديزاين سالاسىنداعى جاڭالىقتارمەن تانىستىردى. تىڭايتۋ جۇيەسى ەنگىزىلگەن «اقىلدى باقشا» ، شالعىندى تىك قابىرعالار، قىستا تاڭعاجايىپ مۇز مۇسىندەرگە اينالاتىن ءتۇرلى- ءتۇستى سۋبۇرقاقتار جانە باسقا دا قىزىقتى شەشىمدەر بۇگىندە كوپتەگەن ەلدەردە ءساتتى پايدالانىلىپ كەلەدى. ولار جاقىن ارادا استانالىقتار مەن قالا قوناقتارىنىڭ دا كوز قۋانىشىنا اينالماق. 

سوڭعى جاڭالىقتار