12:17, 17 - ناۋرىز 2015 | GMT +6
قازاقستان- قىتاي شەكاراسىنان تەرى بۇيىمدارىن زاڭسىز الىپ وتپەك بولعان ايەل ۇستالدى
استانا. قازاقپارات - قازاقستاندىق شەكاراشىلار قازاقستان- قىتاي شەكاراسىنان تەرىدەن جاسالعان بۇيىمداردى زاڭسىز الىپ وتپەك بولعان ازاماتشانى ۇستادى، دەپ حابارلايدى BNews.kz.
«قورعاس» وتكىزۋ بەكەتىنىڭ جاساعى جالپى سالماعى 1 سەنتنەر جۇگى بار 57 جاستاعى قازاقستان ازاماتشاسىن ۇستادى. قىتايدان كەلە جاتقان ەگدە جاستاعى ايەل تەرىدەن جاسالعان بۇيىمداردى شەكارادان زاڭسىز الىپ وتپەك بولعان. اتالمىش فاكتى بويىنشا تەرگەۋ امالدارى ءجۇرىپ جاتىر، » - دەلىنگەن ق ر ۇ ق ك شق باسپا ءسوز قىزمەتىنىڭ حابارلاماسىندا.