قازاقستان بولاشاققا ۇمتىلعان ەلگە اينالدى - ش ى ۇ باس حاتشىسى

ماسكەۋ. قازاقپارات - قازاقستاندىقتار، قازاقستاننىڭ دوستارى جانە ەلدىڭ جەتىستىكتەرىن، ءار قادامىنا قىزىعۋشىلىقپەن قارايتىن ميلليونداعان جاندارعا مەملەكەت باسشىسى نۇرسۇلتان نازاربايەۆتىڭ الداعى كەزەكتەن تىس پرەزيدەنتتىك سايلاۋعا تۇسۋگە كەلىسىمىن بەرۋىنىڭ ماڭىزى وتە زور.

ش ى ۇ باس حاتشىسى دميتري مەزەنتسيەۆ «قازاقپارات» ح ا ا جۋرناليسىنە وسىنداي پىكىرىن ءبىلدىردى.

«بۇگىندە قازاقستان سايلاۋالدى كەزەڭدە جانە قازىرگى ۋاقىت قازاقستان رەسپۋبليكاسىنىڭ ساياسي، الەۋمەتتىك-ەكونوميكالىق ومىرىندە اسا ماڭىزدى»، - دەدى د. مەزەنتسيەۆ.

ش ى ۇ باس حاتشىسىنىڭ اتاپ وتۋىنشە، «قازاقستان سىندارلى سىرتقى جانە ىشكى ساياساتىنىڭ ارقاسىندا شاڭحاي ىنتىماقتاستىق ۇيىمى كەڭىستىگىندە، ت م د ەلدەرىمەن ءوزارا قارىم-قاتىناستا، وزگە دە قوعامدىق جانە حالىقارالىق ساياسي، ەكونوميكالىق بىرلەستىكتەر اراسىندا ءوزىنىڭ ايرىقشا ورنىنا يە بولدى».

سونداي-اق د. مەزەنتسيەۆ استانانىڭ دامۋى مەن وركەندەۋىنە ەرەكشە توقتالدى. «ماعان وتكەن جىلى استانادا بولۋدىڭ ءساتى ءتۇستى. قالا عاجايىپ، ءبارى دە قالايشا ساناۋلى-اق جىلداردىڭ ىشىندە تابيعاتى قاتال ايماقتا قالانى تۇبەگەيلى وزگەرتىپ، ساۋلەتتى دە ەڭسەلى استانانى تۇرعىزعان دەسىپ تاڭدانادى. «استانا بولاشاقتىڭ قالاسى. ونىڭ تاريحىنىڭ تاعى ءبىر كەزەڭى «ەكسپو-2017» ەكەندىگى دە كەزدەيسوقتىق ەمەس»، - دەيدى ول.