يسلام مەملەكەتى سودىرلارى ساددام حۋسەيننىڭ مولاسىن جارىپ جىبەردى

None
None
استانا. قازاقپارات - يراكتىڭ بۇرىنعى پرەزيدەنتى ساددام حۋسەيننىڭ تيكريت قالاسى ماڭىنداعى مولاسى 15 - ناۋرىز، جەكسەنبى كۇنى «يسلام مەملەكەتى» سودىرلارى مەن يراك اسكەرى اراسىندا بولعان قاندى قاقتىعىس بارىسىندا قيراتىلدى، - دەپ حابارلايدى ر ي ا نوۆوستي.

ەسكە سالا كەتەيىك، «يسلام مەملەكەتىنىڭ» سودىرلارى تيكريتتى 2014 - جىلى 11 - ماۋسىمدا باسىپ الدى.

اقپارات قۇرالدارىندا يراكتىڭ بۇرىنعى كوشباسشىسى مازارىنىڭ قيراندىلارى تۇسىرىلگەن بەينەجازبا پايدا بولدى. شەيىتتەر بولىمشەسىنىڭ وكىلى كاپيتان ياسير نۋۋمانىڭ (Yasser Nu"ma) ايتۋىنشا، مولا ورنالاسقان اۋدانعا «يسلام مەملەكەتى» توبىنىڭ اسا ءىرى كۇشى جۇمىلدىرىلىپ، قابىر مينالاندى.

2014 - جىلى قاراشادا «يسلام مەملەكەتى» سودىرلارى يراكتىڭ تاقتان تۇسىرىلگەن پرەزيدەنتى ساددام حۋسەيننىڭ اكەسىنىڭ تيكريتتىڭ ورتالىعىنداعى مولاسى مەن ونىڭ جانىنداعى مەشىتتى جارىپ جىبەرگەن بولاتىن. 2015 - جىلى ناۋرىزدا يراك اسكەرىنىڭ «يسلام مەملەكەتى» سودىرلارىنىڭ تيكريتتەگى تۇتقىندارىنىڭ اراسىندا بار ەكەنى حابارلاندى.

«ءبىز تيكريتتەگى اسكەري گوسپيتالدى باقىلاي الامىز. ءبىزدىڭ كۇردەلى شايقاستاردى جۇرگىزۋىمىزگە تۋرا كەلەدى، سەبەبى ءبىز شابۋىلشىلارمەن جەردە ايقاسپايمىز، ءبىز «يسلام مەملەكەتى» مەرگەن سودىرلارىنىڭ تۇزاعىنا ۇشىراپ قالامىز. سوندىقتان ءبىز اقىرىن جىلجىپ كەلەمىز»، - دەپ مالىمدەدى يراك قارۋلى كۇشتەرىنىڭ دەرەككوزى.

«يسلام مەملەكەتى» لاڭكەستىك ۇيىمى وتكەن جىلى جازدا سيريا مەن يراكتاعى باسىپ العان اۋماقتارىندا «حاليفاتتى» جاريالادى. لاڭكەستەر سيريا جەرىندە ۇكىمەتتىك كۇش قۇرىلىمدارىنا قارسى شايقاسقان كەزدە ءبىراز ءال جينادى.

لاڭكەستىك ارەكەت سالدارىنان بىرنەشە مىڭ بەيبىت تۇرعىن، ءجۇز مىڭداعان بوسقىن مەن تۇتقىندا بولعان بىرنەشە مىڭ ادام قازا تاپتى. ا ق ش 23 - قىركۇيەكتە اراب سىندى وداقتىق ەلدەرگە قولداۋ كورسەتىپ سيريادا يسلام مەملەكەتىنىڭ پوزيتسيالارىنا اۋە شابۋىلىن جاسادى، ال تامىز ايىنان باستاپ وسىعان ۇقساس وپەراتسيالار يراكتا ءجۇرىپ جاتىر.

سوڭعى جاڭالىقتار