يراكتىڭ ارنايى قىزمەتى «يسلام مەملەكەتىنىڭ» باعدادتاعى ۇياسىن جويدى
مالىمدەمەدە يراكتىڭ ارنايى قىزمەتتەرىنىڭ وپەراتسياسى جەرگىلىكتى پروكۋراتۋرا جانە سوت بيلىگى ورگاندارىمەن ءوزارا ءىس-قيمىلى ارقىلى وتكىزىلگەنى ايتىلادى. «ءبىز «يسلام مەملەكەتى» لاڭكەستىك توبىنىڭ قۇرامىنداعى «باعداد ءۋالاياتى» لاڭكەستىك توبىن جويدىق. قاماۋعا الىنعان وتىز ءبىر ادام باعداد قالاسىنىڭ، سونداي-اق ونىڭ وڭتۇستىك جانە سولتۇستىك ماڭدارىنىڭ تۇرعىندارى بولىپ تابىلادى. ولار 2014-جىلى جانە 2015-جىلدىڭ باسىندا 52 لاڭكەستىك ارەكەتتى ۇيىمداستىرعانىن جانە وتكىزگەنىن مويىندادى»، - دەلىنگەن يراكتىڭ ارنايى قىزمەتتەرىنىڭ مالىمدەمەسىندە.
قارۋ، جارىلعىش زاتتار، جالعان اۆتوموبيل نومىرلەرىنىڭ كوپ سانى انىقتالدى. يراك كۇش-قۋات ۆەدومستۆولارىنىڭ وكىلدەرى سونداي-اق 2015-جىلدىڭ باسىنان باستاپ باعدادتاعى شابۋىلدار سانىنىڭ ازايعانىن اتاپ ءوتتى. 2013-2014-جىلدارى يراك استاناسىنداعى لاڭكەستىك ارەكەتتەر تۋرالى اقپارات كۇن سايىن دەرلىك ءتۇسىپ وتىراتىن.
وتكەن جىلدىڭ قازان ايىندا يراكتىڭ فەدەرالدىق كۇشتەرى ەل استاناسىنان وڭتۇستىككە قاراي 50 شاقىرىم جەردە ورنالاسقان دجۋرف ءال-ساحردى «يسلام مەملەكەتىنەن» بوساتتى. اعىمداعى جىلدىڭ باسىندا ەكسترەميستەردەن باعدادتان سولتۇستىك-شىعىسقا قاراي ورنالاسقان بۇكىل ديالا پروۆينتسياسى بوساتىلعان. سونىڭ ناتيجەسىندە جەرگىلىكتى ب ا ق- تىڭ مالىمەتتەرىنشە، باعدادتاعى قاۋىپسىزدىك جاعدايى جاقسارتىلىپ، اعىمداعى جىلدىڭ اقپان ايىندا كومەندانتتىق ساعات الىنىپ تاستادى.
