قارۋ قۇرسانىپ سەزىم ءبىلدىرۋ سانگە اينالدى ما؟

None
None
استانا. قازاقپارات - سوڭعى كەزدەرى جىگىتتەردىڭ سۇيىكتىسىنە سەزىمىن ارنايى شوۋ جاساپ، نەمەسە ءبىر فلەش- موبتار ارقىلى ءبىلدىرۋى سانگە اينالعانداي.

جىل باسىندا قىتايلىق جىگىت سۇيىكتىسىنە 99 دانا Iphone سمارتفوندارىنان جۇرەك جاساپ، ۇناتقان قىزىنا ۇسىنىس جاساعان بولاتىن. الايدا جىگىتتىڭ ۇسىنىسىن قابىلداماعان بويجەتكەننىڭ ارەكەتى كوپشىلىكتى تاڭ قالدىرعان ەدى.

 بۇل تۋرالى Kotaku سايتى حابارلاعان بولاتىن. قىتايلىق ازامات 99 دانا IPhone ساتىپ الۋعا 82 مىڭ دوللار جۇمساعان كورىنەدى. جانە ولاردىڭ ءبارىن اق قوراپشاعا سالىپ، جەرگە جۇرەك ەتىپ قويادى. جۇرەكشەنىڭ ورتاسىندا ءوزى گۇل الىپ، قىزعا تۇرمىسقا شىعۋعا ۇسىنىس جاساعان بولاتىن. الايدا، گۋانچجوۋلىق بويجەتكەن 99 IPhone-كومەگىمەن جاسالعان ۇسىنىستان باس تارتىپ، IPhone جۇرەكشەسىنەن شىعىپ كەتىپ قالعان.

 سولاردان ۇيرەنگەنى مە ەلىمىزدەگى جىگىتتەر دە قىزعا سەزىم ءبىلدىرۋدىڭ ءتۇرلى ادىستەرىن قولدانا باستادى. ماسەلەن استانالىق جىگىت سۇيىكتىسىنە سۋ استىندا توسىن ۇسىنىس جاساعان. استانا قالاسىنىڭ تۇرعىنى جيىرما سەگىز جاستاعى قانات باەكەنوۆ سۇيىكتىسىنە ۇيلەنۋ تۋرالى ۇسىنىستى سۋ استىندا جاساعان. جىگىت قىزى لاۋرانى قالالىق وكەاناريۋمعا دايۆينگپەن اينالىسۋعا شاقىرعان. جىگىت سۇيىكتىسىنە دەگەن سەزىمىن قاعاز بەتىنە ءتۇسىرىپ، سۋ استىندا كورسەتكەن. جيىرما جاستاعى قىز توسىننان جاسالعان ۇيلەنۋ تۋرالى ۇسىنىسقا كوپ ويلانباي- اق كەلىسىمىن بەرىپتى.

 ال تالدىقورعاندىق نيكولاي سيەۆاستيانوۆ شاھار باسشىسىنا حات جازىپ، الداعى ۋاقىتتا شاڭىراق كوتەرۋگە بەل بۋعاندىعى جايلى مالىمدەپ، ومىرلىك سەرىگىنە ۇسىنىس جاساۋ ءۇشىن قول ۇشىن سوزۋدى سۇراعان. وندا سۇيگەن ارۋىنا تۇرمىسقا شىعۋعا ۇسىنىس جاساپ، ارنايى بەينە روليك ازىرلەپ، ونى قالانىڭ ورتالىق الاڭىندا ورنالاسقان ديسپلەيدە كورسەتۋگە رۇقسات سۇراعان. ونىڭ سۇيىكتىسى ءمادينا دا جىگىتىن كوپ قيناماي ۇسىنىسىن قابىل العان كورىنەدى. مەيلى عوي، رومانتيكاعا تولى جاستىق شاقتا بارلىق نارسە جاراسىمدى. ءبىراق سوڭعى كەزدەرى جىگىتتەردىڭ سەزىمىن ءبىلدىرۋى شەكتەن شىعىپ بارا جاتقانداي. وسىنداي ءبىر كەزەكتى سەزىم ءبىلدىرۋ كەزىندە الماتىلىق ءبىر جىگىت قارۋ- جاراق قولدانىپ، قىزىن قورقىتىپ بارىپ، سەزىمىن بىلدىرسە، تارازدىق جىگىت ودان دا اسىپ ءتۇسىپ، ارنايى قىزمەت وكىلدەرىنىڭ كومەگىمەن، ارنايى قارۋ- جاراقپەن «ەسىرتكى تاراتۋشىنى ۇستاۋ وپەراتسياسىن» ۇيىمداستىرعان. «قورقىت دەگەندە وسىلاي قورقىت دەدىم با» دەگەندەي، بۇل نە سۇمدىق؟

ءتىپتى كۇشتىك قۇرىلىمداردىڭ ارنايى جاساعىنىڭ كيىمىن كەز كەلگەن جەردە ساتۋعا تىيىم سالىنعانىن، قارۋ- جاراق ساۋداسى دا قاتاڭ باقىلاۋدا ەكەنىن، كوشەدە ەمىن- ەركىن قارۋ- جاراق اسىنىپ جۇرگە بولمايتىنىن ەسكەرسەك، بۇل قانشالىقتى دۇرىس؟ قارۋسىز سەزىم بىلدىرۋگە بولماس پا؟ نەگە كۇشتىك قۇرىلىمداردىڭ ارنايى كيىمىن، قارۋ- جاراقتى قولجەتىمدى، ويىنشىققا اينالدىرىپ الدىق؟ ! بەينەكورىنىستى قوسا سالدىق، ءوزىڭىز تارازىلاڭىز، اعايىن.. .


 m.tengrinews.kz 

سوڭعى جاڭالىقتار