الەمدەگى ەڭ قورقىنىشتى مۇراجاي

None
None
 استانا. قازاقپارات - مالتا - ەۋروپا حالقىنىڭ تۋريستىك ورتاسىنا اينالعان مەكەنى. ەكۆاتورلىق كليماتى كەرەمەت كىشكەنتاي ارالدىڭ ءوزى حالىقتىڭ اعىلىپ كەلۋىنە سەبەپشى بولىپ وتىر.

الايدا ول جەرگە بارعان ساياحاتشىلاردى تاعى دا ءبىر ەرەكشە مۇراجاي كۇتەدى. ول - الەمدەگى ەڭ قورقىنىشتى ازاپ مۇراجايى. جولىڭىز ءتۇسىپ، بارىپ جاتساڭىز مىنا قاعيدالاردى ۇمىتپاڭىز.

 كىرە بەرىستە ازاپ قۇدىعى تۇرادى. ونىڭ قاسىندا تۇرىپ، سۋرەتكە ءتۇسۋ تەگىن. مۇراجاي جۇيكە جۇيەسى ناشارلاعان ادامدارعا ارنالماعان. ويتكەنى سۇيەك تولى قاپشىقتار، قۇدىقتار، قورقىنىشتى اۋەندەر ادامدارعا قاتتى اسەر ەتەدى. قۇددى ءبىر كورشى بولمەدە بىرەۋدى ازاپتاپ جاتقانداي داۋىستار شىعادى.

 سونىمەن قاتار ەكسكۋرسيا جەتەكشىلەرى دە ءار نارسەنى ەرەكشە تولعانىسپەن، تەبىرەنىسپەن ايتادى. ونىڭ ىشىندە جان تۇرشىگەرلىك وقيعالار وتە كوپ. ولاردىڭ اڭگىمەلەرىنەن كەيىن بويىڭىزدى قورقىنىش سەزىمى قالاي بيلەپ العانىن بايقاماي قالاسىز. ءتىپتى ءبىرىنشى بولمەمەن تانىستىرىپ جاتقاندا شىداماي كەتىپ قالاتىندار دا از ەمەس.

 ەگەر ابايلاپ جۇرمەسەڭىز ادام باستارى مەن سۇيەكتەرى جاتقان قۇدىققا قۇلاپ كەتۋىڭىز مۇمكىن. مۇراجايداعى زاتتاردى قولمەن ۇستاۋعا قاتاڭ تىيىم سالىنادى. ايىپپۇل كولەمى وتە جوعارى سوممانى قۇرايدى. ول جايلى بيلەت الار كەزدە مىندەتتى تۇردە ەسكەرتەدى.

massaget.kz 

سوڭعى جاڭالىقتار