اۋا رايى: دۇيسەنبى كۇنى قازاقستاننىڭ باسىم بولىگىندە قارلى بوران سوعىپ، تۇمان تۇسەدى

استانا. قازاقپارات - 16- ناۋرىز كۇنى قازاقستاننىڭ باسىم بولىگىندە اۋا اعىنى بولىمدەرىنىڭ كوشۋىنە بايلانىستى كۇن قۇبىلمالى بولادى. كەي جەرلەردە جاۋىن شاشىندى بولسا، ءبىرقاتار وڭىردە قارلى بوران سوعىپ، تۇمان تۇسەدى، دەپ حابارلادى «قازگيدرومەد» ر م ك.

قوستاناي، پاۆلودار وبلىستارىندا جەلدىڭ جىلدامدىعى 15-20 م/س دەيىن جەتىپ، قارلى بوران سوعادى. كوكتايعاق، تۇمان تۇسەدى.

اقمولا، سولتۇستىك قازاقستان وبلىستارىندا كەي جەرلەردە تۇمان ءتۇسىپ، جەلدىڭ كۇشى 15-20 م/س جەتەدى. بۇرقاسىنداتادى.

شىعىس قازاقستان وبلىسىندا كەي جەرلەردە جاياۋ بۇرقاسىن بولادى، جەلدىڭ ەكپىنى 15-20 م/س. تۇندە تۇمان تۇسەدى.

اتىراۋ وبلىسىندا، تۇمان ءتۇسىپ، كوكتايعاق بولادى. كۇندىز جەل 15-20 م/س- قا دەيىن كۇشەيەدى.

جامبىل وبلىسىندا كەي جەرلەردە تۇمان تۇسەدى، كوكتايعاق.

الماتى، قىزىلوردا، باتىس قازاقستان، اقتوبە، قاراعاندى وبلىستارىندا كەي جەرلەردە تۇمان تۇسەدى.