رەسپۋبليكالىق «ۇلىتاۋ ۇلاعاتى - ۇلت تاريحى» اتتى جىر ءمۇشايراسى جاريالاندى
ءمۇشايرانىڭ باستى ماقساتى - حالقىمىزدىڭ تاريحىن، تاۋەلسىزدىگىن جان-جاقتى جارقىراتا جىرلاۋ ارقىلى جاس ۇرپاقتىڭ جۇرەگىنە وتانشىلدىق رۋحتى ۇيالاتۋ. جىر بايگەسىنىڭ تاقىرىپ اياسى مەيلىنشە كەڭ، كەرەي مەن جانىبەكتەن حان كەنەگە، جيرەنشە شەشەننەن ءىلياس ەسەنبەرلينگە دەيىنگى قازاق حالقىنىڭ باسىنان وتكەن سان قيلى كەزەڭدەر تولعاي بىلگەن تالانتقا، جىرلاي بىلگەن اقىنعا ۇشان-تەڭىز الەم.
جىر دوداسىندا باس جۇلدەگە 1 ميلليون تەڭگە سىياقى تىگىلىپ وتىر. سونداي-اق ءبىر ءبىرىنشى ورىن، ەكى ەكىنشى ورىن، ءۇش ءۇشىنشى ورىن جانە بەس ىنتالاندىرۋ سىيلىعى قاراستىرىلعان.
ءمۇشايراعا ەش جەردە جارىق كورمەگەن پوەمالار، تولعاۋلار، توپتاما ولەڭدەر ماۋسىم ايىنىڭ 15 ىنە دەيىن قابىلدانادى. ونىڭ قورىتىندىسى استانا كۇنى قارساڭىندا جاريالانىپ، ماراپاتتاۋ سالتاناتى وتەدى.
ۇمىتكەرلەر شىعارمالارىن astanakalamger@mail.ru ەلەكتروندىق پوشتاسىنا جولداي الادى، دەپ حابارلايدى adebiportal.kz.
