10:30, 15 - ناۋرىز 2015 | GMT +5
ۆەلوسيپەدشى ابايسىزدا ءوزىن-ءوزى اتىپ الدى
استانا. قازاقپارات - فلوريدا شتاتىندا ۆەلوسيپەدشى ابايسىزدا ءوزىن-ءوزى اتىپ الدى.
ونىڭ كۇرتەسىنىڭ قالتاسىندا وقتالعان تاپانشا بولعان، ول وقىستان قوزعالعان كەزدە اتىلىپ كەتكەن.
تەڭىز ماڭىنداعى سانكت- پەتەربۋرگ (فلوريدا شتاتى) قالاسىندا بەيسەنبىدەن جۇماعا قاراعان ءتۇنى تروي ەرل سميت ەسىمدى جىگىت ۆەلوسيپەدىمەن بىرگە كەۋدەسىنە وق تيگەن كۇيى تابىلدى، دەپ حابارلاندى امەريكالىق Sky News تەلەارناسىنىڭ سايتىندا.
جەرگىلىكتى اۋرۋحانادا 25 جاستاعى جىگىتتىڭ اجال قۇشقانى انىقتالدى.
پوليتسەيلەردىڭ ايتۋىنشا، مارقۇمنىڭ قالتاسىندا وقتالعان تاپانشا بولعان. ول ۆەلوسيپەدپەن كەلە جاتىپ، ابايسىز قوزعالعان كەزدە شۇرىپپەسى باسىلىپ، اتىلىپ كەتكەن.
