08:36, 15 - ناۋرىز 2015 | GMT +6
سىرىم اۋدانىنداعى قوعامدىق مونشا جارىلىپ، ءۇش ادام جاراقات الدى
ورال. قازاقپارات - 14 - ناۋرىز كۇنى كەشكە قاراي سىرىم اۋدانى ورتالىعى جىمپيتى اۋىلىندا قوعامدىق مونشانىڭ بۋ قازانى جارىلدى.
بۇل تۋرالى «موي گورود» جاڭالىقتار پورتالىندا حابارلاندى.
سىرىم اۋداندىق توتەنشە جاعدايلار بولىمىنەن تۇسكەن مالىمەتكە قاراعاندا، سونىڭ سالدارىنان مونشادا بولعان ءۇش ادام جاراقات العان. جارىلىستان مونشانىڭ ءبىرجاق قابىرعاسى قۇلاعان. تاس باسىپ قالىپ، اۋىر جاراقات العان ءبىر جىگىتتى ورالعا الىپ كەتكەن.
ەكەۋىن قىسىممەن قابىرعاعا قاراي لاقتىرىپ جىبەرگەن، ولار قازىر اۋداندىق اۋرۋحانادا.
تۇرعىنداردىڭ ايتۋىنشا، جەرگىلىكتى كاسىپكەردىڭ يەلىگىندەگى ەسكى مونشا كورىنەدى.
قازىرگى تاڭدا وقيعانىڭ سەبەپ- سالدارى انىقتالۋدا.
اۆتور: ەلجان ەرالى
