14:13, 14 - ناۋرىز 2015 | GMT +6
ز. دياس ينديان-ۋەللس تۋرنيرىندە الەمنىڭ ءبىرىنشى راكەتكاسى س. ۋيليامسپەن كەزدەسەتىن بولدى
استانا. قازاقپارات - قازاقستاننىڭ ءبىرىنشى راكەتكاسى ا ق ش- تىڭ ينديان-ۋەللس قالاسىندا ءوتىپ جاتقان ءىرى حالىقارالىق تۋرنيردىڭ ءۇشىنشى اينالىمىنا شىقتى.
چەمپيونات. كوم سايتىنان الىنعان مالىمەتكە قاراعاندا، زارينا حورۆاتيالىق دوننا ۆەكيچتى 6:3, 6:3 ەسەبىمەن ۇتتى. بيىل وسىمەن ز. دياس د. ۆەكيچتى ەكىنشى رەت جەڭىپ وتىر.
قازاقستاندىق تەننيسشى ءۇشىنشى اينالىمدا الەمنىڭ ءبىرىنشى راكەتكاسى، اتاقتى امەريكاندىق سەرەنا ۋيليامسپەن شەبەرلىك بايقاسادى. ول بۇگىن رۋمىنيالىق مونيكا نيكۋلەسكۋدى 7:5, 7:5 ەسەبىمەن ۇتتى.
ايتا كەتەيىك، جۇلدە قورى 5,4 ميلليون ا ق ش دوللارىنا جۋىقتايتىن وسى تۋرنيردىڭ ءۇشىنشى اينالىمىنا شىعۋ ءۇشىن تاعى ءبىر قازاقستاندىق تەننيسشى يۋليا پۋتينتسيەۆا بۇگىن سەربيالىق، الەمنىڭ التىنشى راكەتكاسى انا يۆانوۆيچپەن كەزدەسەدى.
اۆتور: ەلجان ەرالى