الماتىدا جاڭا مەشىت بوي كوتەردى
بۇل تۋرالى قازاقستان مۇسىلماندارى ءدىني باسقارماسىنىڭ باسپا ءسوز قىزمەتى حابارلادى.
مەشىتتىڭ اشىلۋ سالتاناتىنا حالىق كوپتەپ جينالدى. قازاقستان مۇسىلماندارى ءدىني باسقاراسىنىڭ ءتوراعاسى، باس ءمۇفتي ەرجان قاجى مالعاجى ۇلى، تۇركسىب اۋدانىنىڭ اكىمى ۆلاديمير نيكولايەۆيچ العى ءسوزىن سويلەپ، مۇسىلمان قاۋىمىن قۇتتىقتادى.
«بۇل ەلدىڭ يماندىلىققا كوپتەپ بەت بۇرعانى جانە حالىقتىڭ جاعدايىنىڭ جاقسارعانى، ءال-اۋقاتتىڭ جاقسارعانى جانە بۇل بىرلىگىمىزدىڭ، تىرلىگىمىزدىڭ ءبىر ەكەنىن كورسەتەدى»، - دەدى باس ءمۇفتي ەرجان قاجى مالعاجى ۇلى. بۇل الماتى قالاسىندا اشىلعان 42 -مەشىت. مەشىت جەكە كاسىپكەرلەر مەن حالىقتىڭ كومەگىمەن بوي كوتەردى.
زەينەپ قابدۇلحاق قىزى، قايرات اۋىلىنىڭ تۇرعىنى:
- بۇل مەشىت اشىلادى دەگەندى ەستىگەندە قۋاندىق. بۇگىن كورشىمنەن ەستىپ، ءبارىن تاستاپ، جۇگىرىپ كەلدىك. باس ءمۇفتيىمىز ەرجان قاجى مالعاجى ۇلىنا، ەلگە قىزمەت ەتىپ جۇرگەن ازاماتتارعا العىسىمدى ايتامىن.
قۇل-كەرىم ەلەمەس، اقىن:
- حالىقتى يگىلىككە، مۇسىلماندىققا، يماندىلىققا، يبالىلىققا تاربيەلەيتىن مەشىتتىڭ اشىلۋى قانداي كەرەمەت، عاجاپ نارسە. وسى مەشىتتىڭ قۇرىلىسىنا اتسالىسقان ازاماتتارعا اللا رازى بولسىن. ەلىمىزدە وسىنداي مەشىتتەر كوپتەپ اشىلا بەرسىن.
