الماتى وبلىسىنىڭ قىزىلاعاش اۋىلىندا سۋ تاسقىنىنان وپات بولعاندارعا ارناپ اس بەرىلدى

None
None
استانا. قازاقپارات - بۇگىن الماتى وبلىسىنىڭ اقسۋ اۋدانى قىزىلاعاش ەلدى مەكەنىندە وسىدان 5 جىل بۇرىن ورىن العان اپاتقا بايلانىستى ەسكە الۋ شاراسى ۇيىمداستىرىلدى، دەپ حابارلايدى وبلىس اكىمىنىڭ باسپا ءسوز قىزمەتىنەن.

قىزىلاعاشتا الماتى وبلىسىنىڭ اكىمى اماندىق باتالوۆتىڭ باستاماسىمەن ءبىر توپ ازاماتتار سۋ تاسقىنىنان باقيلىق بولعاندارعا ارنالىپ قويىلعان ەسكەرتكىش- مونۋمەنتكە گۇل شوقتارىن قويدى.

ەسكە الۋ شاراسىندا وبلىستىق مەشىتتىڭ ءنايب يمامى مارقۇمداردىڭ ءارۋاعىنا قۇران باعىشتاپ، دۇعا قىلدى.

كەلەسى كەزەكتە اۋىل تۇرعىندارىنا وبلىس اكىمى اماندىق باتالوۆ وسىدان 5 جىل بۇرىن اپات ورىن العاندا اۋىلدى قايتا قالپىنا كەلتىرۋدە كەزدەسكەن قيىنشىلىقتار مەن سول كەزدەگى اتقارىلعان اۋقىمدى جۇمىستاردىڭ بارىسىن تىلگە تيەك ەتتى.

- اپات بولعان كۇننىڭ ەرتەڭىندە-اق جەدەل شتاب قۇرىلىپ، قالپىنا كەلتىرۋ جۇمىستارى باستالىپ كەتتى. سول كەزدەگى ەلىمىزدىڭ كومەگى مەن بىرلەسىپ اتقارعان جۇمىستارىنىڭ ارقاسىندا اۋىل قايتا قالپىنا كەلتىرىلىپ، جاڭا قىزىلاعاش بوي كوتەردى. اۋىل قايتا تۇلەپ، گۇلدەدى. بۇگىن باقيلىق بولعان ازاماتتارعا ارنالىپ بەرىلگەن اس قابىل بولسىن، - دەپ قورىتىندىلادى ءوز ءسوزىن اماندىق باتالوۆ.

وبلىس اكىمىنەن كەيىن قىزىلاعاش اۋىلى اقساقالدار القاسىنىڭ ءتوراعاسى ا. ىدىرىسوۆ، اۋىلدىق اجەلەر كەڭەسىنىڭ ءتورايىمى ن. ەكىبايەۆا، اۋىل تۇرعىنى ءا. مارحامۇرات جانە ەڭبەك ارداگەرى ءا. بەكتەمىروۆ ءسوز الىپ، اۋىلدىڭ سول كەزەڭنەن بەرى اتقارىلعان جۇمىستارعا توقتالدى.
В селе Кызылагаш состоялся поминальный обед

В селе Кызылагаш состоялся поминальный обед

سوڭعى جاڭالىقتار