ۇلت قامىن جەپ، قارقارالىعا مەدرەسە، مەككەگە ءۇي سالدىرعان قۇنانباي تۋرالى فيلم ءتۇسىرىلىپ بولدى
«قۇنانباي» ءفيلمىنىڭ رەجيسسەرى، قۇنانبايدى ويناعان باستى كەيىپكەر - ق ر حالىق ءارتىسى، مەملەكەتتىك سىيلىقتىڭ لاۋرەاتى دوسحان جولجاقسىنوۆ. بۇل ونىڭ ەكىنشى رەجيسسەرلىك جۇمىسى. بۇعان دەيىن «ءبىرجان سال» ءفيلمىن ءتۇسىرىپ، وندا دا باستى ءرولدى ويناعان بولاتىن.
فيلم سەناريىن دوسحان جولجاقسىنوۆ تالاسبەك اسەمقۇلوۆپەن بىرلەسە وتىرىپ جازعان. ۇلى ابايدىڭ اكەسى قۇنانباي ءوز زامانىنىڭ نار تۇلعاسى. مىنەزى قاتال، كەيدە ءتىپتى قاتىگەز بولىپ تانىلعان ول ۇلتىنىڭ قامىن جەپ، قارقارالىعا مەدرەسە، مەككەگە ءۇي سالدىرعان.
فيلم قۇنانبايدىڭ تۋعان جەرىندە، شىعىس قازاقستان وبلىسىندا ءتۇسىرىلدى.
سول زاماننىڭ تىنىس- تىرشىلىگىن كورسەتۋ ءۇشىن قانشاما دەرەكتى ماتەريالدار جيناقتالىپ، تاريحي قۇندىلىقتار قايتا جاڭعىردى. تابيعات اياسىنا 150 كيىز ءۇي تىگىلىپ، فيلمدە ءۇش ءجۇزدىڭ جۇيرىگى جارىسقان بايگە، بالۋاندار كۇرەسى، ءانشى- جىرشى، كۇيشىلەردىڭ سايىسى دا كورىنىس تاپقان. قازىر ءفيلمنىڭ دىبىستالۋ جۇمىسى قىزۋ ءجۇرىپ جاتىر.
جاڭا تۋىندى وسى كوكتەمدە ۇلكەن ەكرانعا شىعادى دەپ جوسپارلانىپ وتىر. ال العاشقى كورسەتىلىم قۇنانباي مەن ابايدىڭ تۋعان توپىراعى شىعىس قازاقستاننىڭ اباي اۋدانىندا وتپەك.
