استانادا «قازاق مەملەكەتى: كەشە، بۇگىن، ەرتەڭ» اتتى عىلىمي- كونفەرەنتسياعا ءوتتى
كونفەرەنتسيا جۇمىسىنا قازاقستان رەسپۋبليكاسىنىڭ پارلامەنت ءماجىلىسىنىڭ دەپۋتاتى ءا. ت. بيمەندينا، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ ارحەولوگيا جانە ەتنولوگيا كافەدراسىنىڭ مەڭگەرۋشىسى ۇ. ۇمىتقاليەۆ، ارحەولوگيا جانە ەتنولوگيا كافەدراسىنىڭ وقىتۋشىسى ق. راحىمجانوۆ قاتىستى.
كونفەرەنتسيادا اتادان مۇرا بولىپ كەلە جاتقان قۇندىلىقتى قۇرمەتتەۋگە ىقپال ەتەتىن ۇلتجاندىلىقتى تاربيەلەۋ ماقساتىندا، تاريح بەتتەرىنە شولۋ جاسالىپ، قازاق حاندىعىنىڭ سوڭعى حانى - كەنەسارى حاننىڭ سوڭعى كوشى تۋرالى كورىنىس ۇسىنىلدى.
ەكىنشى بولىمدە «قازاق حالقى تاۋەلسىزدىك جولىندا» تاقىرىبىندا باياندامالار تىڭدالدى. ءۇشىنشى بولىمدە «ماڭگىلىك ەل» ادەبي- مۋزىكالىق كومپوزيتسياسى ورىندالدى.
كونفەرەنتسيا ماقساتى - جاس ۇرپاقتى كەشەگى بابالار اماناتىنا ادال بولۋعا باۋلۋ، ەل مەن جەردىڭ يەسى بۇگىنگى جاس ۇرپاق ەكەندىگىنە كوزدەرىن جەتكىزۋ، ەل تاريحىنا، شەجىرەسىنە قۇرمەتپەن قاراۋعا تاربيەلەۋ، پاتريوتتىق سەزىمىن قالىپتاستىرۋ بولدى، دەپ حابارلايدى ق ر پارلامەنتى ءماجىلىسى اپپاراتىنىڭ باسپا ءسوز قىزمەتىنەن.
