اتى اڭىزعا اينالعان «حالىق قاھارمانى» باقىتجان ەرتايەۆ اۋعان سوعىسىنا قاتىستى سىرلارىمەن بولىسپەك
ەلباسىنىڭ قولىنان 2008 - جىلى قازاقستاننىڭ باس ماراپاتى - «حالىق قاھارمانى» اتاعىن العان، اتى اڭىزعا اينالعان گەنەرال- لەيتەنانت، ءماجىلىس دەپۋتاتى، داڭقتى قولباسشى، ينتەرناتسيوناليست- جاۋىنگەر باقىتجان ەرتايەۆ «سەنبىلىك كەزدەسۋ» باعدارلاماسىندا اۋعانستان سوعىسىنا قاتىستى كوپتەگەن سىرلارىن اشادى.
ءوزىنىڭ بۇكىل سانالى عۇمىرىن اسكەري سالاعا ارناپ، قاتارداعى جاۋىنگەردەن گەنەرال- لەيتەنانتقا دەيىنگى سوقتىقپالى- سوقپاقسىز ۇلكەن جولدان وتكەن قولباسشى باقىتجان ەرتايەۆتىڭ تاعدىر تانىتقان العاشقى ماحابباتى پەن العاشقى ەڭبەك جولىنداعى قادامدارى، قايعى مەن ورنى تولماس قازالار. بۇگىنگى كۇنى ول نەمەن اينالىسادى، وسكەلەڭ ۇرپاققا ايتار نە تاعىلىمى بار، بوس ۋاقىتىن قالاي وتكىزەدى؟
بۇل ساۋالدىڭ بارىنە جاۋاپتى «قازاقستان» تەلەارناسىندا اقپاننىڭ سوڭعى سەنبىسىندە ەفيرگە شىققان جاڭا فورماتتاعى - «مەمۋارلىق» جانرداعى «سەنبىلىك كەزدەسۋ» اتتى جاڭا باعدارلامانىڭ جۇرگىزۋشىسى قۇرمانبەك جۇماعالي تانىمال تۇلعانىڭ ەل بىلمەيتىن جەكە ءومىرىنىڭ قىر- سىرلارىن اشۋ بارىسىندا بەرەدى.
