ەلباسىنىڭ قولىنان «التىن القا» الۋ قانداي باقىت! - م. اقسيەۆا
بۇل تۋرالى حالىقارالىق ايەلدەر كۇنى قارساڭىندا ءار سالانىڭ ۇزدىگى اتانعان قىز-كەلىنشەكتەردىڭ قاتارىندا ەلباسى نۇرسۇلتان نازاربايەۆتىڭ قابىلداۋىندا بولىپ قايتقان قازتالوۆ اۋدانى تالدى اپان اۋىلدىق وكرۋگىنە قاراستى قايشاقۇدىق ەلدى مەكەنىنىڭ تۇرعىنى مەرەكە اقسيەۆا ءمالىم ەتتى.
ونىڭ ايتۋىنشا، «ەلباسىنىڭ قابىلداۋىنا باراسىڭ» دەگەندە، قاتتى قوبالجىعان ەكەن. سودان با ەكەن، قابىلداۋدا بولعان كەزدە تولقىپ، اياق استىنان ايتار ءسوزىن ۇمىتىپ قالدى. «سوندا جىلاپ تا الدىم. سول كەزدە بەلگىلى ءانشى تاتيانا بۋرميستروۆا جانىما كەلىپ، مەنى جۇباتتى. ول كىسى انالىق اقىلىن ايتىپ، «نەگە جىلايسىڭ، ەلباسىنىڭ قولىنان «التىن القا» الۋ ەكىنىڭ ءبىرىنىڭ قولىنان كەلە بەرمەيدى»، دەپ كوڭىلىمدى كوتەردى.
شىنىندا دا ەلباسىنىڭ جىلى ءجۇزىن كورىپ، جاناشىر ءسوزىن ەستۋدىڭ ءوزى ءبىر باقىت ەكەن. الدا پرەزيدەنتتىك سايلاۋ كەلە جاتىر. وعان بەلسەنە قاتىسۋعا اۋىلداستارىمدى ۇگىتتەپ، ءوزىم دە قالاعان ادامىما داۋىسىمدى بەرەمىن»، - دەدى م. اقسيەۆا.
ايتا كەتەيىك، ەرمەك پەن مەرەكەنىڭ تۇڭعىشى ماقپال اقجايىق اۋدانىندا مۇعالىم بولسا، اقەركەسى - ورالداعى «ەۋرازيا» تىلدەر جانە مەنەدجمەنت ينستيتۋتىنىڭ Ⅲ كۋرس ستۋدەنتى. قالعاندارى مەكتەپتە، كەنجەسى نۇرداۋلەت ءبىر جاس ءۇش ايعا تولدى. قايشاقۇدىق اۋىلىندا كلۋب مەڭگەرۋشىسى قىزمەتىن اتقاراتىن جەتى بالانىڭ اناسى مەرەكە اقسيەۆا الداعى ۋاقىتتا ۇل-قىزدارىنىڭ ءوزى ەرەكشە اسەر الىپ قايتقان اسەم استانادا وقىپ، ەڭبەك ەتكەنىن ارماندايدى.
