قازاقستان ورتالىق ازيا مەن الەمدىك دەڭگەيدەگى اگرارلىق سالانىڭ كوشباسشىسى اتانا الادى - ا ق ش ەلشىسى
ەلشى قازاقستاندا ازىق-تۇلىك قاۋىپسىزدىگى ەرەكشە ءرول اتقاراتىنىن اتاپ ءوتتى. «بۇل نەگىزىنەن قازاقستاننىڭ ازىق-تۇلىك قاۋىپسىزدىگىنەن جاپا شەگىپ وتىرعاندىعىنان ەمەس، كەرىسىنشە ونىڭ ورتالىق ازيا وڭىرىندە جانە جاھاندىق اۋقىمداعى ازىق-تۇلىك قاۋىپسىزدىگى پروبلەماسىندا كوپ ماسەلەنى اتقارا الاتىندىعىن كورسەتەدى. ءارى قازاقستان وسىنى اتقارىپ تا جاتىر. ءسوزسىز، جەر كولەمى بويىنشا الەمنىڭ توعىزىنشى مەملەكەتى بولىپ سانالاتىن قازاقستاندا اۋىل شارۋاشىلىعىنىڭ الەۋەتى زور. سونىمەن قاتار، قازاقستان حالىقتار يگىلىگى ءۇشىن اۋىل شارۋاشىلىعى ءوندىرىسىن ارتتىرۋدىڭ ۇلكەن الەۋەتىن اشۋدى دا ماقسات تۇتىپ وتىرعانى بىزگە ءمالىم. بۇل ەلدىڭ وڭىردە عانا ەمەس، الەمدىك دەڭگەيدە اگرارلىق سالانىڭ كوشباسشىسى اتانۋىنا مۇمكىندىك بەرەدى»، - دەدى د. كرول.
ونىڭ ايتۋىنشا، قازاقستان وڭىردە جانە الەمدىك اۋقىمدا ازىق-تۇلىك قاۋىپسىزدىگىن قامتاماسىز ەتۋ تۇرعىسىنان نەگىزگى ارىپتەس بولا الادى. قازىردىڭ وزىندە جىل سايىن اۋعانستانعا ۇلكەن كولەمدە استىق جەتكىزۋ ارقىلى قازاقستان وڭىردەگى باسىمدىق رولگە يە بولىپ وتىر.
اۆتور: قانات مامەتقازى ۇلى
