قازاقستاندىق وقۋشى وڭتۇستىك كورەيادا وتكەن عىلىمي بايقاۋدا التىن مەدالدى جەڭىپ الدى - فوتو
«وڭتۇستىك كورەيادا وتكەن «جاس عالىم» عىلىمي بايقاۋىندا التىن مەدالعا قول جەتكىزدىم. ماتەماتيكادان جوبا دايىنداعان ەدىم. شاتاسىپ قالعان ءساتىم دە بولدى. ەسەپتى شىعارىپ، قازىلار القاسىن تاڭقالدىردىم. جەڭىسكە جەتكەنىم سودان بولار. حالىقارالىق بايقاۋدا جۇلدە ءۇشىن قازاقستان مەن وڭتۇستىك كورەيانىڭ 10-11- سىنىپتارىنداعى 200 دەن استام وقۋشىسى تالاسقان ەدى»، - دەدى قازاق-تۇرىك ليتسەيىنىڭ وقۋشى-تاربيەلەنۋشىسى جانار ءابدىراحمان.
جانار وقۋدا ودان دا بيىك بەلەستەرگە قول جەتكىزۋدى ماقسات ەتكەن. ليتسەيدى ءتامامداعان سوڭ، ءبىلىمىن ۇلى بريتانياداعى ج و و- نىڭ بىرىندە جالعاستىراتىن ويى بار.
اتالعان حالىقارالىق بايقاۋدا كۇمىس جۇلدەگە قول جەتكىزگەن قازاق-تۇرىك ليتسەيىنىڭ تاعى ءبىر تاربيەلەنۋشىسى - ايگەرىم تىلەۋقۇل. ايگەرىم دە بولاشاعىنان زور ءۇمىت كۇتتىرەتىن وقۋشى. ول الماتىداعى قازاق-بريتان ۋنيۆەرسيتەتىنە وقۋعا ءتۇسۋدى ارماندايدى. «بۇل جەڭىسىم مەن ءۇشىن مەكتەپتە ءبىلىم العان 11 جىلدىڭ باعاسى بولدى»، - دەدى ايگەرىم تىلشىمىزگە بەرگەن سۇحباتىندا.
