تانك بياتلونى بويىنشا «شىعىس» وڭىرلىك قولباسشىلىعىنىڭ چەمپيوندارى انىقتالدى

None
None
استانا. قازاقپارات - اياگوز گارنيزونى 10810 اسكەري ءبولىمىنىڭ بازاسىنداعى «مايلينو» پوليگونىندا «شىعىس» وڭىرلىك قولباسشىلىعى كوماندالارى تانك ەكيپاجدارىنىڭ اراسىندا تانك بياتلونىنان چەمپيونات ءوتتى، دەپ حابارلايدى Bnews.kz.

 ق ر قورعانىس مينيسترلىگىنىڭ مالىمەتىنشە، بارلىق جۇلدەلى ورىنداردى (1-3- ورىنداردى)  10810 اسكەري ءبولىمىنىڭ تانكشىلەرى جەڭىپ الدى. وسكەمەن قالاسىنداعى 27943 اسكەري ءبولىمىنىڭ تانك ەكيپاجى 4-ورىندى يەلەندى. جەڭىمپازدارعا مەدالدار، ديپلومدار جانە ەستەلىك سىيلىقتار تابىس ەتىلدى.

جەڭىمپازدار تانك بياتلونى بويىنشا ق ر قارۋلى كۇشتەرى قۇرلىق اسكەرلەرىنىڭ اۋقىمىندا وتەتىن جارىسقا دايىندالاتىنىن اتاپ وتكەن ءجون.

 جاتتىعۋ بارىسىندا ءار تانك ەكيپاجى ءوز شەبەرلىگىن بارىنشا كورسەتۋگە تىرىسادى. ولار ءۇشىن ەڭ باستىسى ۇيلەسىمدىلىك. سوندىقتان بەرىلگەن باعىتتى جىلدام باعىندىرۋمەن قاتار 900 دەن 2200 مەترگە دەيىنگى قاشىقتىقتا ورنالاسقان ءتۇرلى نىسانانى ءدال كوزدەۋ تەك ۇيلەسىمدى جۇمىستىڭ جانە ءار ەكيپاج مۇشەسىنىڭ (تانك كومانديرى، دالدەۋشى-وپەراتور، جۇرگىزۋشى-مەحانيك) جەكە جانە ورتاق مىندەتتى ءتۇسىنۋىنىڭ ارقاسىندا ىسكە اسادى.

ەستەرىڭىزگە سالا كەتسەك، «تانك بياتلونى-2015» بيىل جازدا ماسكەۋ ماڭىنداعى «الابينو» وقۋ-جاتتىعۋ كەشەنىنىڭ بازاسىندا وتەدى. جارىس شەڭبەرىندە تانكيستەر ءتورت كەزەڭدى دە (جەكە جارىس، سپرينت جانە ءىز كەسۋ جارىسى، سپورتتىق كەزەڭ، ەستافەتا) ءساتتى اياقتاۋى قاجەت.

سوڭعى جاڭالىقتار