قازاقستاندىق ىسكەر ايەل نيۋ-يوركتە ارنايى ماراپاتقا يە بولدى

None
None
استانا. قازاقپارات - نيۋ-يوركتە ەكىجاقتى ىنتىماقتاستىقتى نىعايتىپ جۇرگەن شەتەلدىڭ ۇزدىك وكىلدەرى انىقتالدى. قازاقستان ەلشىلىگىنىڭ باستاماسىمەن وسىمەن بەسىنشى مارتە وتكەن شارادا قازاقستاندىق ىسكەر ايەل ارنايى ماراپاتقا يە بولدى، دەپ حابارلادى www.24.kz.

حورۆاتيالىق نەدا يانگ، يندونەزيالىق پروديۋسسەر ين پۋرۆانتي، رۋمىن حانشايىمى مارينا سترۋدز، مەكسيكالىق مارسەلا ورۆانانوس جانە وزگە دە 15 ەلدىڭ وكىلدەرى نيۋ-يورك سىيلىعىنىڭ يەگەرى اتاندى. وق بويى وزىق شىققاندار قاتارىندا قازاق قىزى دا بار. ا ق ش- تاعى ءىرى كومپانيانىڭ ۆيتسە-پرەزيدەنتى، ماسكەۋ حالىقارالىق قاتىناستار ينستيتۋتىنىڭ تۇلەگى، ىسكەر حانىم ايا تولەماعانبەتوۆا قوعامدىق شارالارعا بەلسەنە قاتىسادى. ينۆەستيتسيالىق فورۋمدار، گەندەرلىك ساياساتتى دامىتۋ جانە زارداپ شەككەندەردىڭ قۇقىعىن قورعاۋ تاقىرىبىنداعى كونفەرەنتسيالار مەن قايىرىمدىلىق شارالارى ونىڭ كۇندەلىكتى جۇمىسىنا اينالعان. قىزمەت پەن وتباسىن قاتار الىپ جۇرگەن 4 بالانىڭ اناسى بۇگىندە سۇيىكتى اجە اتانىپ وتىر.

«ءبىزدىڭ ەلدى الەمگە تانىتىپ جۇرگەن نازىك جاندىلاردى كورگەندە، قاتتى قۋانامىن. ولاردىڭ قاتارىندا جۇرگەن دارىگەرلەر، ينجەنەرلەر، ساۋلەتشىلەر، زاڭگەرلەر، بيزنەسمەندەر «مەن قازاقستاندىقپىن» دەپ ماقتانىشپەن ايتا الادى. ءبىز الەمنىڭ قاي قيىرىندا جۇرسەك تە، «قازاقستان» ۇعىمى ءبىزدىڭ جۇرەگىمىزدىڭ تۇكپىرىندە. قانداي قىزمەت اتقارساق تا، نە ىستەسەك تە بىزگە ارتىلعان جاۋاپكەرشىلىكتى سەزىنەمىز. سوندىقتان بۇل تەك مەنىڭ عانا ەمەس، ەلىمنىڭ ماراپاتى دەر ەدىم، دەدى ارنايى سىيلىق يەگەرى ايا تولەماعانبەتوۆا.

سوڭعى جاڭالىقتار