07:27, 13 - ناۋرىز 2015 | GMT +5
يسلانديا ەۋرووداققا كىرۋدەن باس تارتتى
بريۋسسەل. قازاقپارات - يسلانديا ۇكىمەتى رەسمي تۇردە ەۋروپالىق وداققا كىرۋ تۋرالى ءوتىنىمىن قايتارىپ الدى.
يسلانديانىڭ سىرتقى ىستەر ءمينيسترى گۋننار براگي سۆەنسسون 12- ناۋرىز كۇنى وتكەن كەزدەسۋدە ە و كەڭەسىنىڭ ءتوراعاسى قىزمەتىن اتقاراتىن لاتۆيانىڭ سىرتقى ىستەر ءمينيسترى ەدگارۋ رينكيەۆيچكە رەيكياۆيكتىڭ ەۋرووداقپەن ونىڭ قۇرامىنا كىرۋ تۋرالى كەلىسسوزدەردى جاڭعىرتۋدان باس تارتۋ جونىندەگى حاتىن تاپسىردى. ءوز كەزەگىندە لاتۆيانىڭ سىرتقى ىستەر ءمينيسترى بۇل حاتتى ە و باسشىلىعىنا تاپسىرۋى ءتيىس.
«وسى شەشىمدى قابىلداۋ ارقىلى يسلانديا ە و- عا ۇمىتكەرلىكتەن باس تارتادى»، - دەلىنگەن يسلانديا س ءى م حابارلاماسىندا.
