وتاندىق اۆتوكولىككە سۇرانىس ارتىپ كەلەدى

None
None
استانا. قازاقپارات - بۇگىندە شىعىس قازاقستانداعى «ازيا اۆتو» كولىك قۇراستىرۋ زاۋىتى وتاندىق اۆتونارىق كوشىن باستاپ تۇر.

شىعىستىڭ باس شاھارىنداعى ىرگەلى كاسىپورىن وسىدان 13 جىل بۇرىن اشىلعان.

قازىر زاۋىتتا 4 ماركالى كولىكتىڭ 25 ۇلگىسى جينالادى. بىلتىردان بەرى وسكەمەندە ەلىمىزدىڭ ماشينا جاساۋ سالاسىنا تىڭ سەرپىن بەرەتىن تاعى ءبىر ءىرى ينۆەستيتسيالىق جوبا جۇزەگە اسىپ جاتىر.

تاياۋدا مۇندا تولىق سيكلدى اۆتوزاۋىت پەن اۆتوبولشەكتەر ءوندىرۋ بويىنشا زاۋىت اشىلماق. الماس توقتاۋبايەۆتىڭ زاۋىتتا جۇمىس ىستەپ جۇرگەنىنە 4 جىل بولدى. 23 جاستاعى بالاڭ جىگىت تەحنيكالىق ۋنيۆەرسيتەتتى ۇزدىك اياقتاپ، كاسىپورىنعا تەحنيكالىق بايقاۋ بولىمىنە قابىلدانعان. ول تىكەلەي اۆتوكولىكتىڭ مۇلتىكسىز، نارىققا شىعۋىن باقىلاپ وتىرادى. ءوز ىسىنە ۇقىپتى جاس مامان جۇكتەلگەن جاۋاپكەرشىلىكتى سەزىنەدى.

وتاندىق ءونىمنىڭ وركەندەۋىنە وزىندىك قولتاڭباسىن قالدىرىپ جۇرگەنىنە مارقايادى.

الماس توقتاۋبەكوۆ، «ازيا اۆتو» ا ق قىزمەتكەرى:

- جالپى مەن قالادا كەتىپ بارا جاتسام، ءوزىمىزدىڭ كاسىپورىندا شىعارىلعان اۆتوكولىكتى كورەمىن. كوزىم شالىپ قۋانىپ قالامىن. ويتكەنى بۇل اۆتوكولىكتى ءوزىم تەكسەرگەنمىن، قاراعانمىن. ياعني مەنىڭ ەڭبەگىمدى باعالاپ، حالىقتىڭ پايداسىنا جاراپ جاتقانىنا مارقايامىن.

«ازيا اۆتو» زاۋىتى وسىدان 12 جىل بۇرىن اشىلعان. ول ۋاقىتتا مۇندا «نيۆا» عانا قۇراستىرىلاتىن. ال 2005 -جىلدان باستاپ شەتەلدىك ماركالى كولىكتەر دە شىعارىلا باستادى. زاۋرە ەلدارت قىزى، ءتىلشى:

 - زاۋىت اۆتوكولىكتىڭ 25 مودەلىن شىعارۋعا قاۋقارلى. ماسەلەن، مىنا «KIA CARNIVAL» كولىگى سوڭعى جاڭاشىلدىق. 8 ورىندىققا ارنالعان، وتباسىلىق كولىكتىڭ باسقا اۆتوكولىككە قاراعاندا ەرەكشەلىگى كوپ. ماسەلەن، مىنا «اقىلدى كىلت» جۇيەسى ارقىلى ءبىر قاشىقتىقتا تۇرىپ، تەتىكتى باسپاي ارتقى ەسىكتى اشۋعا بولدى.

وتكەن جىلى كاسىپورىن 28803 اۆتوكولىكتى نارىققا شىعارىپتى. مامانداردىڭ ايتۋىنشا، حالىق اراسىندا وتاندىق اۆتوكولىككە دەگەن سۇرانىس ارتىپ كەلەدى. سوندىقتان ىرگەلى كاسىپورىننىڭ كەلەشەككە كوزدەگەن جوسپارلارى كوپ. بولاشاقتا 12 مىڭ ادامدى جۇمىسپەن قامتيتىن تاعى جاڭا زاۋىت اشىلادى. ول ءبىر جىلدا 120 مىڭ كولىك شىعارۋعا قاۋقارلى بولادى.

سۇڭعات بۇركىتوۆ، «ازيا اۆتو» ا ق ساپا بويىنشا ديرەكتورى:

- جاڭا زاۋىت اۆتوكولىكتىڭ تولىق تسيكلدى جۇمىس ىستەۋىنە ىقپال ەتەدى. وندا كولىكتى بوياۋ، دانەكەرلەۋ سياقتى جۇمىستار جۇرگىزىلەدى. ياعني اۆتوبولشەكتەر ءوندىرۋ بويىنشا زاۋىت قۇرىلادى.

جالپى «ازيا اۆتو» زاۋىتى بيىلعى جىلدىڭ العاشقى ەكى ايىندا 2675 اۆتوكولىك قۇراستىرىپ ۇلگەردى. مىڭنان استام جۇمىسشى تۇراقتى جالاقىلارىن الىپ، ەڭبەكتەرىن ەسەلەپ كەلەدى. ماقساتى ايقىن، بولاشاققا باعدارى بار زاۋىت وتاندىق ماشيناقۇراستىرۋ سالاسىن جەتىلدىرىپ كەلەدى.

www.khabar.kz

سوڭعى جاڭالىقتار