ەلىمىزدە كوز اۋرۋلارىن ەمدەۋدىڭ جاڭا مۇمكىندىكتەرى پايدا بولدى

None
None
استانا. قازاقپارات - كوز اۋرۋلارىن ەندى شەتەلگە شىقپاي- اق ەلىمىزدە ەمدەۋگە بولادى.

ءتىپتى زاماناۋي تەحنولوگيانىڭ كومەگىمەن 7-8 مينۋتتىڭ ىشىندە كوزگە لازەرلىك وپەراتسيا جاسالادى.

بۇگىن ەلوردادا اشىلعان كوز جانارىن ەمدەيتىن ورتالىقتىڭ مۇمكىندىگى وسىنداي بولىپ وتىر. 55-ورىنعا ورنىققان ورتالىق قۇنى 400 ميلليون تەڭگە تۇراتىن يننوۆاتسيالىق تەحنولوگيالارمەن جابدىقتالعان. كۇردەلى وفتالمولوگيالىق اۋرۋلاردىڭ الدىن الۋعا كومەگى مول قوندىرعىلار امەريكا، گەرمانيا ەلدەرىنەن ساتىپ الىنعان.

وندا قاساڭ قابىقتى الماستىرۋعا، ەگدە ادامداردىڭ كوز بۇرشاعىن سىلىپ لازەرمەن جانە دىبىسپەن ەمدەۋگە بولادى. شالا تۋعان نارەستەنىڭ كوزىنە دە ەم- دوم جاسايدى. قازىردىڭ وزىندە باس قالادا 300 ادام كوزىنە وپەراتسيا جاساتۋعا كەزەكتە تۇر.

الەكسەي سوي، ق ر دەنساۋلىق ساقتاۋ جانە الەۋمەتتىك دامۋ ءمينيسترىنىڭ ورىنباسارى:

- مۇندا كۇنىنە جيىرمادان استام ادامنىڭ كوزىنە وپەراتسيا جاساۋعا مۇمكىندىك بار. ءبىزدىڭ كوز دارىگەرلەرى كوزگە لازەرلىك وپەراتسيا جاساۋدا شەتەلدىك ارىپتەستەرىنەن كەم تۇسپەيدى. مامانداردى كوبى شەتەلدە تاجىريبەدەن وتكەن.

www.24.kz

سوڭعى جاڭالىقتار