قازاقستاندا كولىك ساتىلىمى ارتتى

None
None
استانا. قازاقپارات - 2015 - جىلدىڭ اقپان ايىنداعى قورىتىندى بويىنشا رەسمي ديلەرلەر 9194 كولىكتى ساتتى.

بۇل قاڭتار ايىنداعى كورسەتكىشتەن 1399 اۆتوموبيلگە ارتىق. ءوسىم 17,95 پايىزدى قۇرادى.

جىل باسىنان بەرى 16989 اۆتوموبيل ساتىلدى، دەپ حابارلادى قازاقستاننىڭ اۆتوبيزنەس قاۋىمداستىعىنىڭ (ق ا ب ق) باسپا ءسوز قىزمەتىنەن.

ق ا ب ق ساراپشىلارى ساتۋ دەڭگەيىنىڭ ۇلعايۋىن اۆتوسالوندارداعى باعانىڭ تومەندەۋىمەن بايلانىستىرادى. كوپتەگەن رەسمي ديلەرلەر كليەنتتەرىنە 10 پايىزدان 50  پايىزعا دەيىن جەڭىلدىك، كولىكتى جوندەۋ بويىنشا بىرنەشە جىلدىق تەگىن قىزمەت كورسەتۋ، اقشاسىن ءبولىپ تولەۋ سىندى ۇسىنىستار جاساپ جاتىر.

اۆتوديلەرلەردىڭ بۇل شارالارىنىڭ ارقاسىندا PC، SUV، MPV، PU سەگمەنتىندەگى جەڭىل كولىكتىڭ ورتاشا قۇنى اقپان ايىندا 26 پايىز ارزانداپ، $18817 قۇرادى. قاڭتاردا $25384 بولعان ەدى. سول قاڭتار ايىندا شامامەن $25000 - $40000 ساتىلعان تەمىر تۇلپارلار جەڭىلدىكتەردىڭ ارقاسىندا 28 پايىزعا ارزاندادى.

قا ب ق پىكىرىنشە، ق ر ۇكىمەتى قولعا الىپ جاتقان شارالارى كولىكتىڭ ساتىلۋىنا جاقسى مۇمكىندىكتەر تۋدىرادى. سونىڭ ىشىندە جەكە جانە زاڭدى تۇلعالاردىڭ وتاندىق اۆتوموبيلدەردى ساتىپ الۋى ءۇشىن ولارعا سايكەسىنشە 6 پايىز جانە 4 پايىزدىق مولشەرلەمەمەن نەسيە بەرۋ ءۇشىن ەكىنشى دەڭگەيلى بانكتەرگە 20 ميلليارد تەڭگە قاراجات ءبولۋ شاراسى وتاندىق كولىكتەردىڭ ساتىلۋىنا وڭ اسەر ەتپەك.

سوڭعى جاڭالىقتار