چيلي قازاقستاندى الەم قاۋىمداستىعىندا ەرەكشە ورىنعا يە ءارى باسەكەگە قابىلەتتى ەل رەتىندە تانيدى

استانا. قازاقپارات - رەسپۋبليكاسىنىڭ برازيليا فەدەراتيۆتىك رەسپۋبليكاسىنداعى ەلشىسى جانە ارگەنتينا رەسپۋبليكاسى مەن چيلي رەسپۋبليكاسىندا قوسا اتقارۋشى ەلشى باقىتجان وردابايەۆ چيلي سىرتقى ىستەر ءمينيسترى ەرالدو مۋنوسپەن سانتياگو قالاسىندا كەزدەستى.  

بۇل تۋرالى ق ر ءس ءى م باسپا ءسوز قىزمەتىنەن حابارلادى.

 ب. وردابايەۆ ە. مۋنوستى قازاقستاننىڭ قازىرگى الەۋمەتتىك- ەكونوميكالىق جانە قوعامدىق- ساياسي جاعدايىمەن، قازاقستان رەسپۋبليكاسى پرەزيدەنتى ن. نازاربايەۆتىڭ «نۇرلى جول - بولاشاققا باستار جول» جولداۋىنىڭ نەگىزگى قاعيدالارىمەن تانىستىرىپ، 26 - ساۋىردە قازاقستاندا وتەتىن كەزەكتەن تىس پرەزيدەنتتىك سايلاۋى سەكىلدى ماڭىزدى ىشكى ساياسي شارالار تۋرالى حاباردار ەتتى.

«كۇردەلى كەزەڭدە ەلدىڭ الەۋمەتتىك- ەكونوميكالىق ماسەلەلەرىن شەشۋدى كوزدەگەن بۇل قۇجاتتىڭ وزەكتىلىگى مەن ۋاقتىلىعى ايقىن. چيلي قازاقستاندى الەم قاۋىمداستىعىندا ەرەكشە ورىنعا يە قازىرگى زامانعا ساي ءارى باسەكەگە قابىلەتتى ەل رەتىندە تانيدى» ، - دەدى ە. مۋنوس.

تاراپتار سونىمەن قاتار، ەكىجاقتى ىنتىماقتاستىق ماسەلەلەرىن تالقىلادى. ق ر سىرتقى ساياساتىنىڭ باسىم باعىتتارى، سونىڭ ىشىندە 2017-2018 ج ج. ب ۇ ۇ ق ك تۇراقتى ەمەس مۇشەسى بولۋىنا قازاقستان كانديداتۋراسىن قولداۋ ماسەلەسى كوتەرىلدى. ە. مۋنوس چيليدىڭ قازاقستانمەن بەلسەندى ىنتىماقتاسۋعا نيەتىن ءبىلدىرىپ، ارىپتەسى قازاقستان رەسپۋبليكاسىنىڭ سىرتقى ىستەر ءمينيسترى ە. ىدىرىسوۆقا ىزگى تىلەكتەرىن جولدادى.

قازاقستاندىق ديپلومات چيلي ءمينيسترىن قازاقستاندا بيىل جوسپارلانعان قازاقستان حالقى اسسامبلەياسىنىڭ 20 -جىلدىعى، ق ر كونستيتۋتسياسىنىڭ 20 جىلدىعى، قازاق حاندىعىنىڭ 550 جىلدىعى، استانادا وتەتىن الەمدىك جانە ءداستۇرلى دىندەر كوشباسشىلارىنىڭ V سەزى سەكىلدى وزگە ماڭىزدى شارالار تۋرالى حاباردار ەتتى.