10:09, 12 - ناۋرىز 2015 | GMT +5
ب. وبامانىڭ كۇزەتشىسى ماس كۇيىندە كولىكپەن اق ءۇيدىڭ قورشاۋىن سوقتى
استانا. قازاقپارات - ا ق ش پرەزيدەنتى جەكە كۇزەتى باسشىسىنىڭ ورىنباسارى مارك كوننوللي قىزمەتتە ايدايتىن كولىگىمەن رەزيدەنتسيانىڭ قورشاۋىنا سوققان.
قازىر وسى كەلەڭسىز جايتقا بايلانىستى قۇپيا قىزمەت تەرگەۋدى باستاپ تا كەتتى.
كوننوللي ارىپتەسى دجوردج وگيلۆي ەكەۋى كوڭىلدى كەشتەن ماس كۇيىندە قايتىپ كەلە جاتىپ، كولىكپەن اق ءۇيدىڭ قورشاۋىن زاقىمداعاننان كەيىن قۇپيا قىزمەتتىڭ قولىنا تۇسكەن. ارتىنشا ولار بوساتىلعان. ال تاياۋدا ب. وباما ءوز جەكە قىزمەتىنىڭ باسشىسى دجۋليا پيرسوننان باستاپ، بۇكىل قۇرامىن اۋىستىرعان ەدى. الايدا قۇپيا قىزمەتتىڭ قازىرگى ديرەكتورى دجوزەف كلەنسيدىڭ دە باسىنا بۇلت ۇيىرىلە باستاعان سياقتى.
www.24.kz
