يۋنەسكو- نىڭ شتاب- پاتەرىندە تۇگەل تۇركىنىڭ ۇلى كۇنى - ناۋرىز مەيرامى تويلانادى - فوتو

None
None
استانا. قازاقپارات - 24 - ناۋرىز كۇنى حالىقارالىق تۇركسوي ۇيىمى مەن يۋنەسكو- داعى تۇركىتىلدەس ەلدەردىڭ تۇراقتى وكىلدەرىنىڭ ۇيىمداستىرۋىمەن يۋنەسكو- نىڭ پاريج قالاسىنداعى شتاب- پاتەرىندە تۇگەل تۇركىنىڭ ۇلى كۇنى - ناۋرىز مەيرامىنا ارنالعان كونسەرتتىك كەش وتەدى،

دەپ حابارلادى حالىقارالىق ۇيىمنىڭ باسپا ءسوز قىزمەتىنەن.

ناۋرىز مەرەكەسى - بۇكىل تۇركىتىلدەس حالىقتاردىڭ باسىن بىرىكتىرەتىن، قۇندىلىقتاردى الەمگە پاش ەتەتىن اتا- بابادان قالعان مادەني مۇرا. حالىقارالىق تۇركى مادەنيەتى مەن ونەرىن دامىتۋ ۇيىمى تۇركسوي جىل سايىن ءداستۇرلى تۇردە ناۋرىز مەرەكەسىنە ارنالعان كونسەرتتىك كەشتەر ۇيىمداستىراتىنى ءمالىم.

5 - قاڭتار 2015 - جىلى تۇركسوي شتاب- پاتەرىنە رەسمي ءىس- ساپارمەن كەلگەن يۋنەسكو باس ديرەكتورى يرينا بوكوۆامەن حالىقارالىق ناۋرىز مەرەكەسىن وتكىزۋگە بايلانىستى جاسالعان كەلىسىم بويىنشا 24 - ناۋرىز 2015 - جىلى ناۋرىزعا ارنالعان مەرەكەلىك كەش وتەدى.

ايتۋلى حالىقارالىق شاراعا ازەربايجان، قازاقستان، قىرعىزستان، تۇركيا، وزبەكىستان، تۇركىمەنستان، مولدوۆا، موڭعوليا سونداي- اق، رەسەي فەدەراتسياسىنىڭ قۇرامىنداعى تاتارستان، باشقورتوستان، التاي، تۋۆا، ساحا- ياكۋتيا، حاكاسيا، داعىستان سىندى ەلدەردەن 100دەن استام تالانتتى ونەرپازدار قاتىسادى. ەلىمىزدەن قازاقستان حالىق ءارتىسى روزا رىمبايەۆا، «سازگەن سازى» فولكلورلىق- ەتنوگرافيالىق ءانسامبلى جانە «اسىلىم» حالىقتار ءبيى ءانسامبلى ءوز ونەرلەرىن كورسەتەدى.

 سونىمەن قاتار، مەرەكەلىك شارا اياسىندا تۇركسوي- دىڭ «ناۋرىز بوياۋلارى» اتتى فوتوكورمەسى وتەدى.

ناۋرىز مەرەكەسىنە ارنالعان كونسەرتتىك كەشتەر تەك، پاريج قالاسىندا عانا وتپەيتىنى بەلگىلى. تۇركسوي- دىڭ ۇيىمداستىرۋىمەن 18-30 - ناۋرىز كۇندەرى ارالىعىندا تۇركيانىڭ 20 دان استام ءىرى- ءىرى قالالارىندا ناۋرىز مەرەكەلىك كونسەرتتىك كەشتەر وتەتىندىگىن حابارلايمىز.

1

2

3

4

سوڭعى جاڭالىقتار