تارازدا ءوز سەزىمىن بىلدىرگىسى كەلگەن جىگىت قىزىن شوشىتىپ الدى - كەسكىن

None
None
استانا. قازاقپارات - تاراز قالاسىندا سەزىمىن ءبىلدىرىپ، ۇيلەنۋگە ۇسىنىسىن ەرەكشە جاساعىسى كەلگەن جىگىت قىزىن شوشىتىپ الدى. وقيعانىڭ كەسكىنى YouTube رەسۋرسىندا تاياۋدا جاريالاندى. بۇل جاعداي 14- اقپاندا بولعان. ءبىراق جەلىدە ول ەندى عانا شىعىپ وتىر.

جىگىتتىڭ دوستارى كەلىسىپ العاننان كەيىن اسكەري كيىم كيىپ، بىرنەشە قىز وتىرعان كولىكتى توقتاتۋى ءتيىس بولادى. وقيعا قالا سىرتىنداعى كۇرە جولدا بولادى. جالعان پوليتسەيلەر جۇرگىزۋشىنى توقتاتىپ، كولىكتەن سۇيرەپ شىعارادى دا، جولاۋشى قىزداردى ۇستايدى. بۇدان كەيىن ءتارتىپ ساقشىلارى اۆتوكولىكتەن ەسىرتكى تاۋىپ العانداي كورىنىس جاسايدى. كۋاگەرلەردىڭ كوزىنشە قاماۋعا الۋ حاتتاماسى تولتىرىلادى.

قىزداردىڭ قاتتى شوشىپ قالۋىنا قاراعاندا، ولار بۇل جاعدايعا شىن مانىندە سەنىپ قالعانىن كورۋگە بولادى. ءتىنتۋ بارىسىندا قىزداردىڭ ءبىرى جانجال شىعارادى.

ءبىر ۋاقىتتا كىسەندەلگەن جىگىت ءتارتىپ ساقشىلارىنىڭ بۇيرىعىمەن ءبىر قىزعا قۇجاتتى وقىپ بەرۋى ءتيىس بولادى. ول ءوز كەزەگىندە قىزعا ۇيلەنۋ تۋرالى ۇسىنىسىن ايتادى. قورقىنىشىن ارەڭ باسقان قىز وعان كەلىسىم بەرەدى. كەيىن بويجەتكەن جۇرەگىنىڭ توقتاپ قالا جازداعانىن مويىندادى.

ايتا كەتەيىك، وسىعان ۇقساس جاعداي وتكەن جىلى الماتىدا دا بولعان ەدى. ءبىراق ول كەزدە سەزىمىن بىلدىرگىسى كەلگەن جىگىت ءتارتىپ ساقشىسىنىڭ رولىندە ويناعان بولاتىن.

سوڭعى جاڭالىقتار