ەڭ ۇزدىك مەشىت جوباسىنا كونكۋرس جاريالاندى

None
None
استانا. قازاقپارات - يسلانديا مۇسىلماندارى اسسوتسياتسياسى ەلدەگى ارحيتەكتورلار اسسوتسياتسياسىمەن بىرلەسە وتىرىپ، ەڭ ۇزدىك مەشىت جوباسىنا كونكۋرس جاريالادى، دەپ حابارلادى www.muslim.kz.

مۇنداعى ەرەكشەلىك - مەشىت عيماراتى يسلام ءدىنىن وتە جوعارى دەڭگەيدە كورسەتە الاتىنداي بولۋى شارت. قۇلشىلىق ۇيىنە يسلانديا استاناسى رەيكياۆيكتىڭ حالىق كوپ شوعىرلانعان ورتالىعى ماڭىنان جەر ءبولىنىپ وتىر.

رەيكياۆيكتەگى ۇزدىك مەشىت كونكۋرسىنا اتالمىش شارتتارعا جاۋاپ بەرە الاتىن بارشا ارحيتەكتورلار قاتىسا الادى.

ال بايگە قورى 5000000 يسلاندىق كرونعا باعالانىپ وتىر. سونىڭ ىشىندە باس جەڭىمپازعا وسى سومانىڭ كەمى تەڭ جارتىسى بەرىلەدى. ايتا كەتەيىك، مەشىت جوبالارى يسلانديا ارحيتەكتورلار قوعامداستىعى فيليالىندا وسى جىلدىڭ 26- مامىرىنا دەيىن قابىلدانادى.

سوڭعى جاڭالىقتار