ەلباسى «نۇر وتان» سەزىندە ناقتى مىندەتتەر مەن ماقساتتار جۇكتەدى

None
None
استانا. قازاقپارات - ەلباسى نۇرسۇلتان نازاربايەۆ «نۇر وتان» سەزىندە ناقتى مىندەتتەر مەن ماقساتتار جۇكتەدى. كەشە استاناداعى تاۋەلسىزدىك سارايىندا مەملەكەت باسشىسى، پارتيا كوشباسشىسى نۇرسۇلتان نازاربايەۆتىڭ توراعالىعىمەن وتكەن «نۇر وتان» پارتياسىنىڭ كەزەكتى XVI سەزىنە قاتىسۋشى سولتۇستىك قازاقستان وبلىسىنداعى ع. مۇسىرەپوۆ اتىنداعى ورتا مەكتەپتىڭ ءمۇعالىمى ەلميرا قارابايەۆا وسىلاي دەيدى.

«نۇر وتان» پارتياسىنىڭ سەزىنە دەلەگات رەتىندە العاش رەت قاتىسىپ وتىرعان ول رەسپۋبليكامىزدىڭ تۇپكىر-تۇپكىرىنەن كەلگەن ازاماتتار تارابىنان ەلباسىمىزدىڭ ەلىمىزدە اتقارعان ەڭبەگى تۋرالى جىلى لەبىزدەر ايتىلعانىن ەسكە سالدى.

«سەزد بارىسىندا ق ر پرەزيدەنتى ءوز تارابىنان الدىمىزعا ناقتى ماقساتتار مەن مىندەتتەر جۇكتەدى، ول مەنىڭ كوڭىلىمەن شىقتى. ءبىز بۇل ماقساتتار مەن مىندەتتەردى وڭىرىمىزدەگى شالعاي اۋىلدارعا دا جەتكىزىپ، تىڭعىلىقتى ىسكە اسىراتىن بولامىز»، - دەدى مەكتەپ ۇستازى.

جالپى، ونىڭ ايتۋىنشا، «نۇر وتان» پارتياسىنىڭ كەزەكتى 16- سەزى جوعارى دەڭگەيدە ۇيىمداستىرىلعان.

«ەلىمىزدىڭ ءوسىپ-وركەندەپ، قارىشتى دامۋ جولىنا ءتۇسۋى مەن ءۇشىن زور باقىت. مەنىڭشە، 26- ساۋىرگە بەلگىلەنگەن كەزەكتەن تىس پرەزيدەنتتىك سايلاۋ جوعارى دەڭگەيدە وتەتىن بولادى. ءبارىمىز «ءبىر جەڭنەن قول، ءبىر جاعادان باس شىعارىپ»، تۇڭعىش پرەزيدەنتىمىزگە داۋىس بەرۋ ارقىلى، ەلىمىزدىڭ ودان ارى دامۋىنا داڭعىل جول اشامىز دەپ ويلايمىن»، - دەدى ە. قارابايەۆا.

اۆتور: مارلان جيەمباي

سوڭعى جاڭالىقتار