رەفورمالار تيىمدىلىگىنىڭ بەس قادامى

استانا. قازاقپارات - «نۇر وتان» پارتياسىنىڭ سەزىندە سويلەگەن سوزىندە مەملەكەت باسشىسى نۇرسۇلتان نازاربايەۆ رەفورمالار تيىمدىلىگىنىڭ بەس قادامىن اتادى.

1. مەملەكەتتىك ورگاندار باسشىلارىنىڭ ەسەپتىلىگى تاجىريبەسىن كەڭەيتۋ.

2. شەشىمدەر قابىلداۋ ۇدەرىسىنىڭ اشىقتىعىن قامتاماسىز ەتۋ. «اشىق ۇكىمەت» تەتىگى ارقىلى ازاماتتار بارلىق دەڭگەيدەگى مەملەكەتتىك ورگانداردىڭ شەشىمدەر قابىلداۋ ۇدەرىسىنە بەلسەنە تارتىلۋى ءتيىس. بۇعان الداعى ۋاقىتتا جاسالىپ، قابىلداناتىن اشىق اقپاراتقا قولجەتىمدىلىك تۋرالى جاڭا زاڭ نەگىز بولماق.

مەملەكەتتىك ورگاندار مەن اكىمدەر جانىنداعى قوعامدىق كەڭەستەردىڭ ءرولىن كۇشەيتۋ ماڭىزدى.

3. ازاماتتىق بيۋجەتتەندىرۋدى - ايماقتاردا بيۋجەت قاراجاتتارىن بولۋدە ازاماتتىق قوعام وكىلدەرىنىڭ قاتىسۋىن ەنگىزۋ قاجەت.

4. شاعىمدانۋ جۇيەسىن نىعايتۋ. زاڭنامادا ازاماتتاردىڭ مەملەكەتتىك قىزمەتشىلەردىڭ ارەكەتتەرىنە شاعىمدانۋ مۇمكىندىكتەرى كەڭەيتىلۋى ءتيىس.

5. قوعامنىڭ ءوزىن-ءوزى رەتتەۋىن كەڭىنەن ەنگىزۋ.

الەۋمەتتىك ماڭىزدى مەملەكەتتىك قىزمەتتەر كورسەتۋمەن بايلانىستى وكىلەتتىكتەردى ازاماتتىق قوعامعا ولاردىڭ ءازىر بولۋىنا قاراي بەرە وتىرىپ، مەملەكەتتىك ورگاندار جاۋاپكەرشىلىگى ايماقتارىن كەزەڭ-كەزەڭىمەن قىسقارتۋ.

وسى بەس باعىت بويىنشا وڭ ناتيجەلەرگە قول جەتكىزىلۋىمەن جەرگىلىكتى اتقارۋشى ورگانداردىڭ سايلانبالىلىعى جاڭا جۇيەسى ماسەلەسىن شەشۋگە بولادى.

ءبىزدىڭ ەرەكشەلىكتەرىمىز بەن داستۇرلەرىمىزدى ەسكەرە وتىرىپ، پرەزيدەنت، پارلامەنت جانە ۇكىمەت اراسىنداعى بيلىك وكىلەتتىگىن قايتا ءبولۋدى كوزدەيتىن كەزەڭ-كەزەڭمەن جۇرگىزىلەتىن كونستيتۋتسيالىق رەفورما.