جانۋارلار تۋرالى تاڭقالارلىق دەرەكتەر- فوتو

استانا. قازاقپارات - جانۋارلار تۋرالى تاڭقالارلىق دەرەكتەر. ال سەن وزىڭە قانداي جاڭالىق اشاسىڭ؟

قولتىراۋىندار تاس جەيدى

بۇعان سەنۋ ارينە قيىن، ءبىراق شىندىعىندا قولتىراۋىندار تاس جەيدى. وسىنىڭ ارقاسىندا ولار سۋدا تەپە-تەڭدىكتى ۇستايدى. سوندىقتان ولاردىڭ اسقازانى باسقا تاماقتاردان بولەك تاسپەندە تولتىرىلادى.

كيتتەردىڭ ءسۇتى وتە مايلى بولىپ كەلەدى

بالالار، كوزدەرىڭە ەلەستەتىپ كورىڭدەرشى: جاڭا تۋىلعان كيتتىڭ ۇزىندىعى 9 مەترگە دەيىن جەتۋى مۇمكىن! مۇنداي «كىشكەنتاي الىپتى» تويدىرۋ ءۇشىن اناسى بالاسىنا مايلىلىعى %50 داي بولاتىن 200 ليترگە دەيىن ءسۇت بەرۋى كەرەك. ال سيىر ءسۇتىنىڭ مايلىلىعى %4 شاماسىندا.

كورتىشقاندار كورە مە؟

سەندە بارلىق كورتىشقاندار سوقىر دەپ ويلادىڭ با؟ تاڭقالارلىق جايت، الايدا بۇل كىشىگىرىم جانۋارلاردا ازداعان كورۋ قابىلەتى بار. ونىڭ كومەگى ارقىلى كورتىشقاندار جىرتقىشتاردان قورعانادى. كورتىشقان ىنىندە جارىق كورسە، ول بۇل ءۇشىن قاۋىپتى بەلگى. دەمەك، ۇيگە شاقىرىلماعان قوناق كەلدى. سونىمەن قاتار ولار كوزدەرى ارقىلى اۋا اعىنىن سەزەدى.

بالۋان قۇمىسقالار

بۇل كىشكەنتاي جاندىكتىڭ ءوزىنىڭ سالماعىنان 60 ەسە اۋىر جۇكتى قالاي كوتەرەتىندىگى باسقا سىيمايدى؟ مىنە، سولاي قۇمىرسقالار - پالۋاندار!

پىلدەر - وتە اقىلدى جانۋارلار

كەيبىر پىلدەر سۋرەت سالا الادى. بۇل كۇشتى الىپتار - الەمدەگى ەڭ اقىلدى جانۋارلاردىڭ ءبىرى. ولاردىڭ ميىنىڭ سالماعى 5 كەلى. پىلدەر قۋانىشتى دا، قايعىنى دا سەزىنەدى. ولاردى ءتىپتى قۇرالدارمەن جۇمىس ىستەۋگە ۇيرەتۋگە بولادى.

توتىقۇستار راسىمەندە سويلەيدى

ۇزاق ۋاقىت بويى ءبارىمىز توتىقۇستاردىڭ ءسوزىمىزدى ماعىناسىز قايتالاي بەرەتىندىگىنە سەنىمدى بولدىق. الايدا ءبارى ولاي ەمەس. عالىمدار ولاردىڭ كىشى مەن ۇلكەندى، ۇقساس پەن بولەكتى اجىراتا الاتىندىعىن دالەلدەدى. سوندىقتان بۇل اشىق ءتۇستى قاناتتىلار ءبىزدىڭ ءسوزىمىزدى ءىشىنارا تۇسىنە الادى ەكەن.

اكۋلالاردىڭ ءتىسى 10 كۇندە ءوسىپ شىعادى

ادامداردىڭ ءتىسى ومىرىندە ءبىر رەت قانا اۋىسسا، اكۋلالار تىستەرىن وتە ءجيى اۋىستىرادى ەكەن (بۇل ومىرىندە 30000 شاماسىنداي ءتىس). بۇل تاڭقالارلىق قۇبىلىس ەمەس، ويتكەنى ولاردىڭ جاڭا ءتىسى 10 كۇندە ءوسىپ شىعادى.

كوبەلەكتەردىڭ ءيىس سەزىمى جاقسى دامىعان

كوبەلەكتەر گۇلدەردىڭ حوش ءيسىن ونداعان شاقىرىم الىستىقتا سەزە الادى. ولار مۇنى مۇرىندارىمەن ەمەس (ول جوقتا)، قاناتتارىنىڭ كومەگى ارقىلى سەزەدى ەكەن!

قۇستار كوشى

سەن قۇستاردىڭ الىس قاشىقتىققا كوشىپ، قالاي جاڭىلماي كەلەتىندىگىن ويلاپ كوردىڭ بە؟ كەيبىر قاناتتىلارعا، مىسالى اركتيكالىق قارلىعاشقا 40000 كيلومەترگە ۇشۋعا جەردىڭ ماگنيتتىك ءورىسى كومەكتەسەدى ەكەن.

balalaralemi.kz