پوليتسەيدىڭ اكىمگە نەمەسە مينيسترگە ايىپپۇل سالا الاتىنىنا قوعام سەنبەيدى - ق ر پرەزيدەنتى
«پوليتسيا قوعامنىڭ سەنىمىنەن شىعۋى كەرەك. قازىر قوعام جول-پاترۋلدىك قىزمەتتىڭ وفيتسەرى جول ەرەجەسىن بۇزعانى ءۇشىن اكىمگە نەمەسە مينيسترگە ايىپپۇل سالاتىنىنا سەنبەيدى. مەن قاسىموۆ (رەد. - ق ر ىشكى ىستەر ءمينيسترى قالمۇحانبەت قاسىموۆ) تۋرالى ءتىپتى ايتپاي-اق قويايىن. مىسالى، جاقىندا ا ق ش- تىڭ مەملەكەتتىك حاتشىسى دجون كەرريمەن ءبىر وقيعا بولدى. وعان ءوز ءۇيىنىڭ الدىندا ۋاقىتىلى قار تازالاماعانى ءۇشىن ايىپپۇل جازىپ بەرگەن. ونىڭ باسپا ءسوز حاتشىسى ايىپپۇلدى تولەيتىندىگىن ءمالىم ەتىپ ۇلگەردى»، - دەدى مەملەكەت باسشىسى.
سوعان بايلانىستى پرەزيدەنت ءبىرقاتار تاپسىرمالار بەردى.
«سوندىقتان، پوليتسەيلەردىڭ مارتەبەسى مەن ونىڭ ازاماتتار الدىنداعى جاۋاپكەرشىلىگىن ارتتىرۋ قاجەت. سونداي-اق، قۇقىق قورعاۋ ورگاندارىنىڭ اشىقتىعىن قامتاماسىز ەتەتىن شارالار جيىنتىعىن جاساقتاۋ، اقپاراتتىق تەحنولوگيالاردىڭ دامىتۋ، بەينەرەگيستراتورلارمەن قامتاماسىز ەتۋ قاجەت. پوليتسياعا كاسىبي-پسيحولوگيالىق ىرىكتەۋدىڭ جاڭا جۇيەسىن جاساۋ ماڭىزدى. پوليتسەي بىلىكتىلىگىن انىقتاۋ بويىنشا سىناقتار وتكىزىلىپ وتىرۋى شارت»، - دەپ اتاپ ءوتتى ن. نازاربايەۆ.
اۆتور: جاسۇلان جولدىبايەۆ
