ق ر پرەزيدەنتى: ءاربىر باسشى مانساپ جولىن تومەننەن باستاۋى ءتيىس

استانا. قازاقپارات - ءاربىر باسشى مانساپ جولىن تومەننەن باستاۋى ءتيىس.

بۇل تۋرالى بۇگىن استاناداعى تاۋەلسىزدىك سارايىندا ءوتىپ جاتقان «نۇر وتان» پارتياسىنىڭ كەزەكتى XVI سەزىندە مەملەكەت باسشىسى، پارتيا كوشباسشىسى نۇرسۇلتان نازاربايەۆ ايتتى.

«ءاربىر باسشى تومەننەن باستاپ، بارلىق باسقارۋ دەڭگەيىنەن ءوتۋى ءتيىس دەپ ايتىپ كەلەمىن. كەڭەس ۇكىمەتى كەزىندە ءبارى جامان بولدى دەپ ايتۋعا بولمايدى. ءبىر باسشىنى شىعارۋ ءۇشىن الدىمەن ول اۋىلدا باسشى بولىپ جۇمىس ىستەۋى ءتيىس ەدى. سودان كەيىن اۋداندا، اۋداننان قالاعا، قالادان وبلىستىق باسشىلىق دەڭگەيدەگى قىزمەتكە كەلۋى ءتيىس ەدى. ودان كەيىن باستىق بولۋشى ەدى. قازىر سايتانداي ساپ ەتىپ، باستىق، ميينستر بولىپ شىعا كەلەدى»، - دەدى ەلباسى.

ق ر پرەزيدەنتى ءوزىنىڭ باسقارۋشىلىق قىزمەتىنىڭ بارلىق ساتىسىنان وتكەندىگىن دە سەزد قاتىسۋشىلارىنىڭ قاپەرىنە سالىپ ءوتتى.

«مەن مۇنىڭ بارلىعىن وتە جاقسى تۇسىنەمىن. ويتكەنى، مەن مۇنىڭ بارلىعىنان وتكەن بولاتىنمىن. مىنە، مەملەكەتتىك قىزمەت ءدال وسىنداي بولۋى ءتيىس»، - دەدى ق ر پرەزيدەنتى.

اۆتور: مارلان جيەمباي