نۇر وتاننىڭ كەزەكتى سەزى ستراتەگيالىق ماقسات- مىندەتتەردى ايقىنداۋعا ارنالادى - ب. بايبەك

None
None
استانا. قازاقپارات - پارتيامىزدىڭ كەزەكتى XVI سەزى ەل سەنىمىن اقتاۋ جولىندا قابىلداناتىن ستراتەگيالىق ماقسات- مىندەتتەرىمىزدى ايقىنداۋعا ارنالادى، دەدى «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك.

 بۇل تۋرالى پارتيانىڭ twitter دەگى جەكە پاراقشاسىندا جازىلدى.

 «وسىدان 550 -جىل بۇرىن تاريح ساحناسىنا شىققان حالقىمىز ەلباسى ن. ءا. نازاربايەۆتىڭ ارقاسىندا الەم مويىنداعان زاماناۋي مەملەكەت قۇردى. 20  جىل بۇرىن بارشا ۇلت پەن ۇلىستى بايىرعى قازاق جەرىندە ءوزارا ىنتىماق پەن كەلىسىمگە ۇيىتقان قازاقستان حالقى اسسامبلەياسى قۇرىلدى» ، - دەدى ب. بايبەك.

 سونداي- اق، ول: «ەلباسى ن. ءا. نازاربايەۆ بيىلعى تاريحي جولداۋىندا «نۇرلى جول» باعدارلاماسىن جاريالادى.

باعدارلامانى ىسكە اسىرۋدا، بولىنگەن قارجىنىڭ ەل يگىلىگىنە شاشاۋسىز جۇمسالۋىن قاداعالاۋ «نۇر وتان» پارتياسىنىڭ ايرىقشا مىندەتى» ، دەپ اتاپ ءوتتى. 

سوڭعى جاڭالىقتار