مىسىردا بيىكتىگى اسپانمەن تالاسقان جاڭا ەكى پيراميدا سالىنادى

None
None
استانا. قازاقپارات - مىسىر ۇكىمەتى پيراميدا تۇرىندەگى 200 مەترلىك ءزاۋلىم عيماراتتىڭ قۇرىلىسى بويىنشا جوسپاردى بەكىتتى، دەپ حابارلادى ر ب ك.

جوبا كايردەگى شەيح زاەد سيتي اۋدانىن قالىپقا كەلتىرۋ اكسياسى اياسىندا ۇسىنىلدى.

جاڭا 49 قاباتتى Zayed Crystal Spark كەشەنى ەكى پيراميدادان تۇرادى. ءبىرى بيىكتىگى 200 مەتر بولاتىن جىڭىشكە ءارى بيىك، ال ەكىنشىسى تاپال ءارى جۋانداۋ كەلگەن قۇرىلىم بولماق. گيزاداعى كونە پيراميدالاردان 30 مينۋتتىق جەردە ورنالاسقان كەشەن 190 گەكتار اۋماقتى قامتيدى. مۇنارا ماڭىندا سۋ بۇرقاقتارى، باسسەيندەر مەن جاسىل جەلەك بولادى.

بۇل عيمارات مىسىرداعى ەڭ بيىك قۇرىلىم بولادى. سالىستىرا كەتەر بولساق: مىسىردىڭ سىرتقى ىستەر مينيسترلىگىنىڭ عيماراتىنىڭ بيىكتىگى 143 مەتر، ال كونە جانە وسى كۇنگە ساقتالعان الەمنىڭ جەتى كەرەمەتىنىڭ ءبىرى گيزاداعى حەوپس پيراميداسىنىڭ بيىكتىگى 138 مەتر.

سوڭعى جاڭالىقتار