قازاقستاندىق كاسكادەر مىسىرلىق تەلەحيكايانىڭ قيىن تريۋكتەرىن قويۋدا - فوتو، كەسكىن
تەلەحيكايانىڭ سيۋجەتى ازىرگە قۇپيا، ونىڭ تانىمال ەرتەگىنىڭ نەگىزىندە تۇسىرىلەتىنى نەمەسە جاي عانا اتاۋىن پايدالانعانى بەلگىسىز. بۇل جوباعا ارىپتەستەرى باۋىرجان ابىشيەۆتى وتكەن كۇزدە شاقىرعان.
«تۇسىرىلىمدەردى كومەكشىممەن بىرلەسە جاسادىم. مەن ەكشن- رەجيسسەر بولىپ جۇمىس ىستەيمىن، بارلىق ەكشن- قويىلىمداردى قويامىن. بۇل تاريحي تەلەحيكايا، مۇندا سەمسەرلەسۋ كورىنىستەرى ءبىراز قامتىلعان. ءبىراق ءبىز كادرعا تۇسپەيمىز»، - دەدى ول قازاقپارات تىلشىسىنە.
باۋىرجان بۇرىن بەلگىلى گولليۆۋد اكتەرلەرى قاتىسقان فيلمدەردە ءادىس- امالدار ورىنداعان. 2011 - جىلى كاسكادەر رەتىندە رەسەيلىك- امەريكاندىق «ساتتىلىك ساربازدارى» فيلمىنە قاتىستى. سونداي- اق باۋىرجان ابىشيەۆ «توسقاۋىلسىزدار» فيلمىنىڭ ءتۇسىرىلىم الاڭىندا سيلۆەستر ستاللونە، ارنولد شۆارتسەنەگگەر، بريۋس ۋيلليس، دجەيسون ستەتحەم، دجەت لي مەن چاك نورريس ءتارىزدى اكتەرلەرمەن جۇمىس ىستەدى.
بۇگىندە ول «Kazakh Union» توبىن باسقارادى. وتكەن جىلى قۇرىلعان توپتىڭ قۇرامىندا - 12 ادام، ولاردىڭ قاتارىندا كاسىبي اكتەرلەر مەن كاسكادەرلەر بار. ولار بىرنەشە كليپتەرگە، فيلمدەر مەن تەلەحيكايالارعا ءتۇسىپ ۇلگەرگەن.
جۋىردا «Kazakh Union» جەرگىلىكتى بيلىك وكىلدەرىمەن بىرگە تالدىقورعاندا تريكينگ بويىنشا چەمپيونات ۇيىمداستىردى.
