كريشتيانۋ رونالدۋ ەۋروكۋبوكتا سالىنعان گولداردىڭ سانى بويىنشا جاڭا رەكورد ورناتتى
استانا. قازاقپارات - مادريدتىك «رەال» كلۋبىنىڭ شابۋىلشىسى كريشتيانۋ رونالدۋ 77- گولدى سالىپ، ەۋروكۋبوك ويىندارىندا سوعىلعان گولدار سانى بويىنشا جاڭا رەكورد ورناتتى.
بۇل تۋرالى ر ي ا «نوۆوستي» حابارلايدى.
بۇل گولدى ول سەيسەنبى كۇنى چەمپيوندار ليگاسىنىڭ 1/8 فينالىندا نەمىستىڭ «شالكە» كومانداسىمەن وتكەن كەزدەسۋدە سالدى. ويىن مادريدتە وتكەن بولاتىن.
بۇل كورسەتكىشىمەن ول بۇعان دەيىنگى رەكورد يەلەرى «رەالدىڭ» بۇرىنعى ويىنشىسى راۋل مەن «بارسەلونانىڭ» داڭقتى شابۋىلشىسى ليونەل مەسسيدەن وزىپ كەتتى.
