مۇحتار شاحانوۆقا يسلام الەمىنىڭ جوعارعى سىيلىعى بەرىلەدى

None
None
استانا. قازاقپارات - قازاقستاننىڭ حالىق جازۋشىسى، «تۇركىتىلدەس حالىقتار اراسىنداعى ەڭ ۇزدىك الەم اقىنى» سىيلىعىنىڭ يەگەرى مۇحتار شاحانوۆ پاكيستان يسلام رەسپۋبليكاسىنىڭ استاناسى يسلاماباد قالاسىندا عالامدىق دارا پاراسات يەلەرىنە بەرىلەتىن «يسلام الەمىنىڭ ىستانبۇل» سىيلىعىمەن ماراپاتتالدى.

ماراپاتتاۋ سالتاناتى TASAM- تۇرىك ازيا ستراتەگيالىق زەرتتەۋ ورتالىعىنىڭ ۇيىمداستىرۋىمەن ءوتىپ جاتقان «6-يسلام الەمى ويشىل ۇيىمدارى پلاتفورماسىنىڭ» حالىقارالىق قۇرىلتايى اياسىندا مەملەكەت باسشىلارى، سەناتورالار، شەتەلدىك ەلشىلەر مەن ديپلوماتيالىق ميسسيا وكىلدەرىنىڭ قاتىسۋىمەن ءوتتى.

حالىقارالىق قاۋىمداستىقتا وزىندىك جوعارى بەدەلى بار TASAM باسقارماسىنىڭ ارنايى شەشىمىمەن بيىلدان باستاپ بەرىلگەن بۇل جوعارعى تۇڭعىش سىيلىقتى شىعارمالارى الەمنىڭ 60 قا جۋىق تىلدەرىنە اۋدارىلعان، 22 شەتەل ۋنيۆەرسيتەتتەرىنىڭ، اكادەميالارىنىڭ قۇرمەتتى اكادەميگى، عىلىم دوكتورى، پروفەسسورى، 20 دان استام شەتەل قالالارىنىڭ قۇرمەتتى ازاماتى، نوبەل سىيلىعىنىڭ 100  جىلدىق مەرەكەسىنە وراي بەرىلگەن نوبەل التىن مەدالىنىڭ، كاليفورنيا (ا ق ش) عىلىم اكادەمياسى تاعايىنداعان حالىقارالىق البەرت ەنشتەين التىن مەدالىنىڭ جانە 25 كە جۋىق ءارتۇرلى سىيلىقتاردىڭ يەگەرى، تۇرىك الەمى زيالىلار وداعىنىڭ ءتوراعاسى مۇحتار شاحانوۆقا عالامدىق دارا پاراسات يەلەرىنە بەرىلەتىن «يسلام الەمىنىڭ ىستانبۇل» سىيلىعىن سالتاناتتى جيىندا پاكيستان يسلام رەسپۋبليكاسىنىڭ پرەزيدەنتى مامنۋن حۋسەين تابىس ەتتى. پاكيستان پرەزيدەنتى مۇحتار شاحانوۆتىڭ بۇكىل مۇسىلمان ادەبيەتىندەگى ەرەكشە دارا تۇلعا ەكەنىن ايتا كەلىپ، اقىندى رۋحاني جەڭىسىمەن قۇتتىقتادى.

نۇرعالي ءجۇسىپباي

altyalash.kz

سوڭعى جاڭالىقتار