13:08, 10 - ناۋرىز 2015 | GMT +6
يسپانيا جاسوسپىرىمدەر قۇراماسى قازاقستان پرەزيدەنتى كۋبوگىنا قاتىسادى
استانا. قازاقپارات - 17 جاسقا دەيىنگى يسپانيا جاسوسپىرىمدەر قۇراماسى استانادا وتەتىن جىل سايىنعى قازاقستان رەسپۋبليكاسى پرەزيدەنتىنىڭ كۋبوگىنا قاتىساتىنىن راستادى.
بۇل تۋرالى قازاقستاننىڭ فۋتبول فەدەراتسياسى باسپا ءسوز قىزمەتىنەن حابارلاندى. «قازاقستان مەن يسپانيا قۇرامالارىنان بولەك، حالىقارالىق تۋرنيرگە گرۋزيا، قىرعىز رەسپۋبليكاسى، بەلارۋس جانە تاجىكستاننىڭ جاسوسپىرىم قۇرامالارى قاتىساتىن بولدى»، - دەلىنگەن باسپا ءسوز بايانىندا.
ەسكە سالا كەتەيىك، وتكەن جىلى يسپانيا تۋرنير جەڭىمپازى اتانعان بولاتىن. ولار فينالدا گرۋزيا فۋتبولشىلارىن 6:1 ەسەبىمەن ۇتقان ەدى.
