12:10, 10 - ناۋرىز 2015 | GMT +6
جوعالعان ۇشاقتان ءتۇسىپ قالعان بولۋى مۇمكىن مايلىقتار اۆستراليادان تابىلدى
استانا. قازاقپارات- قاعاز مايلىقتاردىڭ اشىلماعان كۇيى جاتقان وراماسىن جەرگىلىكتى تۇرعىندار كينگسلي جانە ۆيكي ميللەر اتتى ەگدە جاستاعى ەرلى- زايىپتىلار باتىس اۆستراليا جاعالاۋىنان تاپقان.
بۇل ورامانىڭ سىرتىندا Malaysia Airlines كومپانياسىنىڭ تاڭبا بەلگىسى بولعان. ارتىنشا ولار جۇمباق ولجانى پوليتسياعا تاپسىرعان.
جەرگىلىكتى باسىلىمداردىڭ حابارلاۋىنشا، بۇل وقيعا وتكەن جىلدىڭ شىلدە ايىندا تىركەلسە دە، جالپاق جۇرتقا ەندى عانا جەتكىزىلىپ وتىر. قازىرگى ۋاقىتتا جەرگىلىكتى بيلىك وكىلدەرى تابىلعان جەكە باس گيگيەناسى زاتىنىڭ MH370 باعىتى بويىنشا جوعالعان ۇشاققا قانشالىقتى قاتىستى ەكەندىگىن تەكسەرىپ جاتىر.
